[ابوسيفين]

المشاركة الأصلية كتبت بواسطة منقاش

بيض الله وجهك يا مشرفنا الفني وأنت يا رفيقي يا مسامح , أما أنت يالمخاوي فلي معك كلام ثاني في مداخله ثانيه .
أما أخواني القراء فأرجوهم يعذروني من تكملة الحلقات بسبب قلة القراء لأنه ماهو معقول للحلقه ثلاثه أيام ما قراها ألا على عدد أصابع اليد .
لكني أقول للمتحمسين أمثال الشيخ والشاعر الكبير سنا الهجره , مختصر السالفه أن بيع سندات دين الرهن العقاري تورط فيه شركات ومستثمرين من كل بلد , وشركات التامين الكبرى تورطت في التامين عليه , حتى سار فيه بنك داين وبنوك وشركات مستثمره في سندات ديون الرهن العقاري والتامين عليها , بعض هذي الشركات والبنوك الداينه والمستثمره كان فيها أموال ضخمه للي لعبوا اللعبه .
لكن اللاعبين وهم أصحاب المصارف الصهاينه باعوا أسهمهم في كل بنوك التمويل وشركات التأمين من وقت مبكر وحولوها لأصول وذهب وفضه, وتركوا الغافلين يستثمرون فيها من الشرق والغرب .
ويوم أنفقعت الفقاعه كان الصيارفه قد صدروا من بدري , وكانوا من المتفرجين والمشاهدين , وبعد أكتمال اللعبه يزيدون يلعبون لعبه ثانيه ويخلون الحكومات تشتري البنوك المفلسه من الضرايب اللي يدفعها المواطن المسكين . ويقلبونها قطاع عام ويلغون الخصخصه اللي أكلوا بها أمس أموال الضعفاء .
وهذي الحكومه الأمريكيه أشترت من أموال دافعي الضرائب الى هالوقت بترليون دولار .
وغيرهم رايح يدفع مكرها أخاك لا بطل .يعني المجرم ينهب والبريء يدفع الثمن قبل وبعد .
وفي الختام ما أقول ألا الله يكفيكم شر الخصخصه ما ظهر منها وما بطن , الخصخصه اللي أشوفها مقبله عليكم , لكن ما دام فيه مستشفى ومدرسه وجامعه بلاش فانتم على طرف خير , لكني أرى المتخصخصين جشعين ولا يستحون ولا يتورعون حتى من المهن التافهه يخصخصون فيها مثل حمال حلقة الخضره وفراشين المدارس .

كفيت ووفيت لكن وش سالفه ربع شلومو اللى يحومون هالايام يطلبون الفزعه ؟ ولا اقلك راسك أبقى لنا 0 لآن المخاوي ماتبات هرجه سمعها الا وعلم بها اللي له لزوم واللي ماله لزوم 0