[منقاش]

يبو عبدالرحمن , رد لا هنت الموضوع بأسم الكاتب سلام , لأنك بكره رايح تبلش مع أهل الصور أذا تبي تمشي على هالبدعه الضاله .
ولو أنك قريت ردي على سلام كان ما حطيت الموضوع بأسمي , وهذا نص الرد حتى لا تتعب وتدور عليه :
الشيخ الكريم سلام , حفظه الله في حله وترحاله
السلام عليكم ورحمة الله وبركاته , وحجك مبرور , ونسأل الله لك القبول , وبعد :
ألأوله , أشكرك اللي قدمتني في ردك على أبو عبدالرحمن , وهذا يدل على أنك تعرف أنه بدوني ما يقدر يقعد في الشرافه يوم واحد .
الثانيه , هديتك مقبوله (خف الجمل) , ويش نسوي ؟ , ما نقدر نرفضها خصوصا أنها الصوره الوحيده اللي كنت تنافس بها , ويبدو لي أنك أخذت بالمثل اللي يقول , أذا ما بقي على الفقر ألا قدح أكسره , وان شاء الله تكون هديتك المره الثانيه الجمل نفسه , وانا من جانبي أهديها لحليفنا الدكتور مشعان (مسكين ما عنده ولو صوره واحده) , خليه يدف حماره مع الحماره , وتكفى يبو عبدالرحمن , أمسح كل ما يدل على أن سلام صور خف الجمل وحط مكانه الدكتور مشعان .
الثالثه , موضوع العتم يكون بأسم الكاتب اللي يعطينا عنها معلومات وافيه , وهو في هذي الحاله الكاتب المبدع سلام , وهذي قاعده صحيحه أرساها مشرفنا العام أبو عبدالرحمن ولا يجوز نحوس علمنا اللي رسينا عليه , أما نحنا يالمصوراتيه فيكفينا فخر أنكم يالكتاب حكونجيه عاله على أنتاجنا من الصور , يعني أن ألأفعال لنا وانتم ما عندكم الا الحكي , وسلامتكم .