[منقاش]

رد: شجرة العتم (الزيتون البري) رد: شجرة العتم (الزيتون البري) رد: شجرة العتم (الزيتون البري) رد: شجرة العتم (الزيتون البري) رد: شجرة العتم (الزيتون البري)

أخواني المسلمين الثملان , أخواني سلام وابوعبدالرحمن والدكتور مشعان والقراء والقاريات والأعضاء والعضوات
الصوره ألأولى للعتم بكمرة فخامة الشيخ منقاش , زمانها قبل أيام , يعني في بداية شتاء هذا العام , مكانها أعالي الخبيثاء.
والصوره الثانيه والثالثه للعتم بكمرة المستعين بالله , زمانها ربيع ما قبل عامين , مكانها أعالي العويجاء .
بقية الصور بكمرة مشرفنا العام ابو عبدالرحمن وننتظره يفتينا عن زمانها ومكانها اللي يبدو لي أنه أعالي الروي .
والحقيقه أني أوصي مشرفنا العام وكاتبنا المبدع سلام أنهم يحرصون على ذكر زمان ومكان كل صوره للتوثيق والدقه , ولأن الزمان والمكان له أثر على النبته اللي تكون في أبهى منظر لها في فصل الربيع , مع ذكر رجل الكمره اللي وقف وراها , وهذي أركان من الضروري تضمينها على ألأقل في هامش كل موضوع عند التعريف بأي نبته أو شجره أو شجيره .
وبالمناسبه , الشجيره (أقل من الشجره) اللي هي من مستوى الطباقه والشيعه والضرمه والصومه وغيرها يصنفونها في لغة الثملان ويقولون شجيريه ويجمعونها شجيريات , وغرفه (بفتح الغين والراء والفاء) للواحده , وغرفان (بضم الغين وتسكين الراء) للجمع .
نعود لموضوعنا :
أما المن فهو الحلا اللي يجود به الله من هالشجره المباركه , ولا تستغربون وصفي لها بالمباركه وهي زيتونه بريه جبليه .
وتقدرون تشوفون صوره لبقايا زهيده من المن على عتمه في وسط الصوره رقم (18) من موضوع أني أبو نقشه , وليت ابو عبدالرحمن ينقل لنا الصوره مع هذا الموضوع حتى تشاهدونها وعذرونا في عدم وضوحها .
والمن أبيض ناصع في بياض الثلج وفي مظهر وخفة القطن الناعم المنفوش , لزج وغروي الملمس , وعديم الرايحه تقريبا , حلو المذاق بحلاوة العسل والسكر , ويبدو لي أنه سهل الهضم .