[منقاش]

باحثنا العزيز الشيخ سلام
الحقيقه أني يوم طلبت تنزيل نجمه من نجوم مشرفنا العام الست وأضافتها على نجومي السبع كان قصدي أنبه القراء أني أبو نقشه ابو سبع نجمات (يعني ترون نجومي أكثر من نجومه) , وهذي كلمات خرجت مني عن غير وعي بسبب الغيره يوم شفت منافسي في التصوير جاب لقطه فريده تستاهل فوزه بلا منازع في المسابقه , لأنها لنحيليتين (توأم) باسقات وفي مقتبل العمر ورشيقات القوام .
نحيليتين منتصبه في أستقامه الى جوار بعضها , ويوحي تقابلها بالأنس من الوحده والبعد عن الوحشه والصداقه , مع خلفيه من خلفهم وتربه من تحتهم أعطت لون صخور القرانيت المشهوره بالقوه والصلابه .
ولا تنسى أن الصوره رافقها مشاعر شاعريه سببها ألأبيات الشعريه اللي ذيل بها ابو عبدالرحمن الصوره , وهذا أسلوب فيه سبق وتهديد لكم يالمتبحثين , يعني أن الرجل ما كفاه ضرب منافسينه من المصورين ضربه موجعه , لا , الرجل أندفع في أستمالة جماهير البحاثه والمتبحثين , وهذا تطور ثاني وخطير يستوجب منا توحيد الصفوف حتى نوقف الرجل عند حده .
وقبل أختم أحب أطلب منك ومن الدكتور مشعان تضمون صوتكم لصوتي ونطلب من ابو عبدالرحمن يعدل بعض الكلمات في هذا البيت (الثاني من ألأخير) حتى يصبح :
طلعنا الهده واثر الهده ديرة الرحمن @@ لقينا الغروس اللي بالاسوار ملويه .
وسبب التعديل أن كل قبايل الطايف بما فيهم هذيل ربع الشاعر يلفظون أخر كلمات الهده وشبره وليه بالهاء , وهذا هو لفظها ألأصلي في اللغه والتاريخ .
وهذا اللفته من باب الحفاظ على ألأصاله اللي أعرف أن مشرفنا العام أحرص مني عليها, والحقيقه أني من اللي يتضايقون يوم يشوفون بلدية الطايف تحرف ألأسماء ألأصليه ويردون الهده الهدا , ويردون نقب الحمراء نقب الحمرا وشبره سبرا وليه ليا , الخ ...
ونطلب حذف النقطتين من على كلمة مسره في البيت ألأخير حتى لا تلفظ بلهجه ماهي لهجة الشاعر اللي يبدو أنه ما بقي مع أهل نشيد المجرور ألا بعض ألأبيات من قصيدته بعد راح بعضها بسبب قدم عصر قايلها .
أما ملاحظتك فهي في محلها لكن ويش نقول أذا كانت الحكمه تقول كفى بالمرء نبلا أن تعد معائبه؟ .
وسلامتك أنت وابو عبدالرحمن والسامعين (القراء).