[الحاج سلام]

المشاركة الأصلية كتبت بواسطة رويعي الغنم

ألأخوان الكريمان , ابو عبدالرحمن وسلام : الحرمل الذي نعرفه بديارنا يختلف عن الصورتين اللتين تفضلتما بوضعهما في مداخلتيكما أعلاه .
أود منكما التكرم بالأيضاح , وشكرا ....

يا رويعي الله يمسيك بالخير .
اسمعني زين لا تستعجل ترى العجلة ما هي من طباع الرعاة امثالك , ابيك تركز معي شوي لا عدمتك .
الحديث هنا عن غرفة او غريفة الذيب . وكل ادلى بدلوه انا يا سلام قلت انها الغليقة , وعدت اقلت ان الغلقة والغليقة والعتر والعشر يقولون لها عشريات او صقلابيات ,وان الكل يجمعها جامع واحد هو الثمر اللي ما هو بعيد عن بعضه وله بذور مجنحة تحملها الزعانف الحريرية البيضاء مثل ما هو واضح في الصورة .
و ما لك يا رويعي في طول الحكي الشيخ منقاش كما تعرفه ( نقز ) و حط روابط و لمح ان اللي في الرابط هو الحرمل , وازيدك من الشعر بيت قال: ارسلوا ابن سلمان لبو رماد (تكرم ومن يسمعني ) لان الحرمل عاصمته في ابو رماد على خبر الشيخ والا الان ما فيه شيء .
من هنا قلت انا اقصروا العنوة عند ابو عبد الرحمن صور للحرمل , والحارث شاف الرابط اللي وضعه الشيخ وقال ماهو حرمل وانا كذلك .

واليوم ابو عبد الرحمن جاب ها الصورة اللي تشوفها واللي يقول سلام انها حرمل واما الصورة الاخرى ما احد قال انها حرمل هذه الغلقة لان الحرمل دخل بالعرض والا الموضوع عن الغلقة او غريفة الذيب ,
واسمع يا بناخي ان كان عندك رأي ثاني في الحرمل اطلب من صاحبك ابو عبد الرحمن يصور الحرمل اللى تعرفه وقول اللي عندك وانا تراني معك , ولكن لا تدخل الحرمل في غريفة الذيب اللي تعب عليها المدير العام والبحث فيها شبه منتهي و الله يحفظك والسلام