[النادر]

[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
هجرت القوافي والحروف وهجرت الناس=نسوني جميع الناس والحرف ناداني
يقول انت تهجرني وانا ناقل الإحساس=بريدك ومرسالك عليش انت تنساني
مخيم على فكرك وطايب لي المجلاس=ولن طوّل الهجران ماعاد تلقاني
جمعت القوى والعذر مني بغير قياس=لكنه ليامن جيت مع درب لاقاني
نخيت الفكر قلت ان عضدني نجيب الكاس=حميّة على حرف الشعر يومه اشقاني
تعذّر ورد وقال انا عاطفي حساس=تبيني بعد عشرة سنين اقطع لساني
تراخيت واستسلمت بين الرجا والياس=تمنيت لوهوراح عني ولاجاني
نظرنظرة العاتب عليّه وهز الراس=يقول انت ماقدّرت عطفي ووجداني
تهيّجني النسمة ويثريني النسناس=لكن خل باب الودّواحذرتحدّاني
وقلت اتفقنامعك يامربط الأفراس=أناتحت حكمك لكن اياك واياني
ترى العهد معكم بالترفع عن الأدناس=وفكري وشعري صاروا اقرب من اخواني
أحذّرك ماتسلك مساليك ابونواس=تغيّرعليّ وتنقلب واحد(ن) ثاني
وماجت بي الموجة وعرق الشعر دساس=نصب لي شراكه واحتواني مع اقراني
ليامن صفالي جو ناديت بالقرطاس=أدوّن عليه ابيات شعري بميزاني
أصيغه ولا ينتابه الشّكّ والوسواس=وانا لوجفيته ماقدر يوم يجفاني
مقامه مقام سيوف والحدّ حدّامواس=وصار الشعر صنعي ورمزي وعنواني[/poem]

الصاروخ

ماضاع منك نلقاه اذا بغينا

عموما راقيه كذوقك

لافض فوك

النادر