[منقاش]

أخواني الرجال الكمال , الشيخ سلام والشيخ ملقاط
السلام عليكم ورحمة الله وبركاته , والله يسعد صباحكم وكل أوقاتكم , وبعد :
يشكركم الشيخ الشريف منقاش على ردودكم وعلومكم الزينه , أما بخصوص شراسة الورر اللي تصل حتى مطاردة من يقترب منه , فظني والله أعلم أن هذا سلوك ألأمومه أو ألأبوه , يعني , ربما أذا كان مكان الفراخ والتعشيش قريب يستشرش الورر ويتحول من حالة ألأنسحاب والهروب الى الهجوم .

أخويه الشيخ هلال ابو ليله (ملقاط) : أشكرك على المعلومات اللي أضفتها وأثريت بها الموضوع , لكن يا حليفي أنت ما تدري أنك يوم أطريت شحم الورر وأثنيت على منافعه أبتديت تخالف السياسه الجديده اللي عرضها الشيخ الحارث ابن همام وصادق عليها برلمان المنتدى وأقرها الشيخ سلام وأعتمدها أبو نقشه وكلف ابو عبدالرحمن بالمتابعه ومحاسبة المخالفين , واللي كان شعارها هدوا المحاجي وافتحوا الملاجي .
بعباره ثانيه , هذا اللي صدر منك يا شيخ يعتبر تحريض على صيد الورر المسكين , ويا ويلك وسواد ليلك أن دري عن كلامك ابن همام والشيخ سلام .
لكن أمامك فرصه أنك تسحب كلامك بسرعه وتعلن أعتذارك قبل تضبط بعملتك وما خطت يمينك , ألا أذا كنت تحداهم وتحاول تهدم اللي بنوه فلا خير فيهم أذا ما وقفوك عند حدك .
وبعدين , توقع وانت تمشي , وحافظ على النجمه اللي أعطيتك أياها لأني ربما أحتاجها وارتدها منك حتى تعود زملطي كما يوم سجلت .....