[النجم الساهر]

الى الغائب الحاضر ( الذيب) الى الغائب الحاضر ( الذيب) الى الغائب الحاضر ( الذيب) الى الغائب الحاضر ( الذيب) الى الغائب الحاضر ( الذيب)

[grade="00008b Ff6347 008000 Ff1493"]
اخي الذيب
ادعوالله سبحانه وتعالى في التوفيق
واملي ان اكون قد وفقت وان لم يكن فعلى الاقل اجتهدت
ولكل مجتهد نصيب

سير ياركب المعاني بالجبل والا ببيد
لين تلقى صاحبي واعطه جوابي( ب)انشراح

قله انه مابنى لغزه لعمرو ولا لزيد
مابناه الا لمثله ذيب في وجه الرياح

وبعدها يامرحبا ازيد فيها ثم اعيد
بالقصيدومن بناه وطلبة الله فالصلاح

عندنا عيدين وانت عودتك ياذيب عيد
من رجعت وشفت زولك كل هم القلب زاح

الله اللي خصني بك والمحبة لك تزيد
كيف لا00 وانت بقلبي ساكن وباني مراح

واهني اللي صدف مثلك يفيد ويستفيد
وان تخاوى معك سريته مجي والا مراح

الغلا بالقلب والمسكان جوف العين اكيد
بالمحبه والموده والسعد نبغى النجاح

النجاح اللي تقوده شدني يمك بقيد
والله ان اللي براسي نظرتي لك (ب) ارتياح

والتحدي ماورد فالبال يالقرم الوحيد
والله اني ماقصدته لك بجد ولا مزاح

والشعر معنى ومغنى تمتلك فيه الرصيد
والحديد اللي طريته ماوراه الا الرماح

ومايضر السامقات من النخل قص الجريد
ومايضرك يابيض الخدين لو قلت السماح

وبعدها يامرحبا باللغز من فكر سديد
عد براق المخيلة ناض برقه ثم لاح

تشتري لغزي بلغزك ظنتي منت ببليد
وتخلط الماضي بحاضر رغبتك كبح الجماح

الولد في ظني انه جمر يتوقد وقيد
تقتله نقطة من الما ثم دخن ثم راح

راح دخانه تعلى بالسما كنه طريد
ثم يتكثف وينزل ما قراح من قراح

ويمكن يكون الولد ياصاحبي هو الجليد
تذبحه ذيك الاشعة في مسا والا صباح

ثم يتبخر ويرقى للسما ارذاذ عديد
تم يتكثف وينزل خير للارض البراح

اجتهدت ويمكن اني ما اصبت اللي تريد
والوكاد اني حريص وداعي الله فالفلاح

وكان ماجبته بنيته ياعسى عمرك مديد
والنهاية خاتمتها ورد من طلتك فاح
وسلامتك
اخوك النجم
[/grade]