[منقاش]

عميد الدكاتره , حليف ابو نقشه , الدكتور مشعان , حفظه الله .
عليكم السلام ورحمة الله وبركاته , واسعد الله صباحك , وصباح الشيخ سلام , وصباح كل أمة ألأسلام , أما ما قبل :
يا رفيقي دوبي أطلعت على مقالك , لأني أول الليل أخذت منوم وغبت عن نفسي قبل الساعه 12 من الليل ولا صحيت ألا الساعه أربعه بسبب حلم شفت فيه المخاوي يتآمر مع حلفاه لأغتيال حماري , وأقضى مضجعي هالحلم حتى أستويت جالس , وجفى بسببه عيوني لذيذ المنام , بعدها حمدت الله أن المخاوي لا زال مسافر لباكو , وأن الدعوه أحلام ولا هي أعلام .
واحب أنبه على اللي يحاولون يتصيدون في المياه العكره واقول أن المنوم حقي عباره عن كتاب عن الشجاري لأبو حنفيه وأبو زير وراويتين حاطه جنب سريري من ليالي وأيام طويله , أشتريته فبل كم من شهر حتى أتعرف على الغرفان وأنافس الشيخ سلام , لكني كل ما قريت منه صفحتين يغلب عليه النعاس ويطيح الكتاب من يدي , وقاريه يروح في سابع نومه , وهالحين له عندي كم شهر وتشقق تغليفه وجددته وأنا ما قريت الا صفحتين كل ليله أبتدي في ألأولى ويوم أطل على الثانيه يجيني دنقة تدنقني بالنوم ولا أصحي منها ألا بعد ساعات ..
هذا ما قبل , أما ما بعد : يا ربعي هذا حال العلم والعلماء من أمثالي , ولا هو أنا أول عالم رقود , وخلونا نعود لمقال دكتورنا , ولكل دكتور مقال , وأقول , يا حليفي هذي أول مره أسمع بهالشجره , وأول مره أدري أن فيه ثملان وحمدان (الله يسلم أبو حسام ويبارك له) في أبو عريش , واستمتعت بما قريت لكني تنكد خاطري في نهايتها يوم شفت حال الطفل , لأني ظنيته في البدايه ( ألله لا يريه مكروه) بدون يد , لكني فيما بعد أنتبهت أنه لاف يده ورى ظهره , وحمدت الله ودعيت له بخير, الله يخليه لأهله , وييسر له كل خير , ويصرف عنه كل مكروه .
والختام , يبن عمي يا دكتور مشعان , ويش تبي بالغرفان ؟ , أترك الهشيم للشيخ سلام الله يسلمه, وخلي العنا لأهله , وأعطنا علوم الوناسه وعلوم رحلتك , وحاول تبهرها لأن الزاد اللي ما يتبهر ما له نكهه , وأرجيك بلاشي بهارات هنديه , وبلاشي كمره خفيه , وبلاشي أحلام ليليه , وشكرا .

كتبها : صديقك عرعرة المنتديات وبدر الدجى الشريف منقاش قدس سره ..