[منقاش]

رد: الدنقه تكتشف ابو نقشه . رد: الدنقه تكتشف ابو نقشه . رد: الدنقه تكتشف ابو نقشه . رد: الدنقه تكتشف ابو نقشه . رد: الدنقه تكتشف ابو نقشه .

أخواني وحلفايه, الشيخ سلام , والدكتور مشعان , وبقية ألأخوان .
السلام عليكم ورحمة الله وبركاته , وأسعد الله مساكم ومسايه , وأشكركم على ردودكم , وبعد :
يخواني , تعبتني الدنقه , وكل ما قلت أقتربت منها زادت مني بعد , مثل السراب , وتناقضت أقوال شهود العيان لدرجة أني صرفت النظر عن شهاداتهم وأعتبرت بعضهم نصابين وشهود زور .
فمثلا , واحد من الشهود قال : يبو نقشه أعرفها كما أني أعرفك هالحين قدامي أنك أبو نقشه , رديت عليه , طيب وصفها لي , ثم وصفها وقال , تعرف الذرو (بذور) حق البصل , مثله بالوفى والتمام , وكأنك تفرج فيه أو تكتال منه (يعني تشابه بذور البصل) .
أرسلت واحد وشرى لي بذور بصل وصورتها لكم مع سنبل شعير مصاب بمرض يحول بعضه للشكل اللي شفتم في الصور , ويسمونه سواد والمصريين يسمونه خميره حسب أفادة واحد من عمال الزراعه المصريين .
الزبده : الصور اللي شفتوها لسنابل السواد مع بذور البصل (كما لو تقولون حاولت أكشن لكم السواد بالبصل).
ليه ما وجدنا الدنقه الخبيثه في حقول القمح والشعير كما هو معتاد ؟.
الجواب : يقول ابو عايش سالم بن عايد الثمالي (مزارع في الثمانينات) , لا تدور للدنقه ألا أذا فيقت (فاضت) ألأوديه بالمياه , لأن الدنقه ما تحمل أدنى عطش , والديره مدهوره هالأيام , ونصيحه اترك البحث عنها وأغسل يدك منها ....
أما النبته اللي شفتوها في الصوره ولها أوراق تشبه الحنطه وسنبل مثل الكثل يسمونها دنيبان (بفتح الدال وكسر النون) , ويقول ابو عايش أن الدنيبان والشديده (بضم الشين وفتح الدالين وكسر الياء) والدنقه , ثلاث نبتات يعتبرها الزراع آفه أذا نبتت في حقول الحنطه والشعير.
أما السواد فهو آفه تجي في نفس سنبلة نبتة الحنطه والشعير والذره .
والحقيقه أن جهود أبو نقشه باءت بالفشل , وأعتقد أن سبب فشلي عين جاتني من ابو عبدالرحمن وحليفه رويعي الغنم وربما معهم الشيخ سلام .
وبهالنتيجه المؤسفه نردكم للمربع ألأول في البحث عن الدنقه , أرجي أن اللي كانوا يقنتون ويتمنون فشل بدر الدجى وأمام الباحثين يعيدون وينبسطون ويتنيلون على قول المصاريه , والله أكبر عليهم وعلى الصهاينة المعتدين , وأذنابهم من أعضاء هذا المنتدى اللي يعرفون أنفسهم ولا أحتاج أذكرهم , وشكرا ...
ملاحظه : ترى يبو عبدالرحمن , ذكر لي شهود عيان أنك كنت تتبعني عصر اليوم في بلاد ثماله حتى تسرق بعض تبحثاتي , وأحذرك أنك تعود لمثلها , وأن عدت لها أعتبر نفسك منزل من ست نجوم لثلاث وأقل , ومنزل من ألأشراف لعضو مسكين مثل الشيخ سلام وابن همام وملقاط وغيرهم , وخلك ثاني مره تعيدها .....