[منقاش]

في المداخله اللي راحت عرفتم بعض أسامي الحقه , وأحب أضيف للأسماء اللي ذكرتها لكم أسم يقول القايلين أنه مشهور في بعض جبال عسير وهو االغشوة.

الحقه نبته عطريه بريه معمره يصل ارتفاعها إلى حوالي المتر أو أزود شويه، لها أوراق قلبية الشكل , ناعمه مخملية الملمس , خضراء اللون أذا كانت ريانه , وأذا عطشت تميل من الخضره للون الرمادي وتنكمش أحجامها .

ازهار جميله فيها خليط من ألألوان العجيبه المتداخله مابين ألأبيض والكحلي والأزرق (عذروني في وصف ألألوان , وشوفوا الصوره اللي حطها الرويعي في الرد رقم 4) , وبعضها (خارجيه ماهي محليه) مع البياض منقطة بألوان ارجوانية جميلة.
تنبت الحقه في بلاد ثماله خصوصا أعاليها في ألأماكن البارده والرطبه نسبيا المجنبه عن المواشي والقطط , وسبق أني شفتها مرات متكرره نابته جنب جدران البيوت الخاليه من السكان في أعلا مكان في بلاد ثماله في راس جبل ابو هشيم في الفرعه , وتنبت في أماكن كثيره غيرها في بطون وعلى جوانب ألأشعب وألأوديه في الفرعه والسد والعويجاء والحايط ونمره وغيرها .

عالميا موطنها الأصلي كل البلدان المعتدله مناخيا والجبليه القريبه من حوض البحر ألأبيض المتوسط بالأضافه الى أعالي سلاسل جبال السروات في جزيرة العرب , ومن الطبيعي أنها أنتقلت فيما بعد لقارات فيها بيئه ملائمه مثل مناطق من ألأمريكتين , وحولها بعض المستثمرين الى محصول زراعي يستثمره اللي يعرفون كيف يستخرجون القروش من جيوب المقرشين.

خلوكم متابعين مع أبو نقشه في المداخلات الجايه حتى يزيد يتحفكم بالمزيد والمزيد من المعلومات الجديده اللي توصل لها من تبحثاته عن الحقه , وشكرا ...