صراع مع النفس صراع مع النفس صراع مع النفس صراع مع النفس صراع مع النفس
بسم الله الرحمن الرحيم
الهاجس اللي مرني امس العصر فبل المغيب
جدد لي الذكرى وانا ياسامعي مالي بها
ياطائر القمري تغني باللحون ولاتجيب
الا على صوت اللحون اللي تحب تجيبها
صوت تسجه فوق غصن الراك بالصوت العذيب
اللي حضنك ويسمع لحونك وهو يدري بها
شوقتني ياطير اسولف لك عن غياب الحبيب
اللي ملك روحي واحس انه هوى تعذيبها
اصبحت انا املك مثل احاسيسك وانا ماني غريب
كل يوم اشوفك وانت تسمعني وانا اغني بها
ياطير لاتبعد وخلك ساجع(ن) حولي قريب
العين في شوفتك تسلى غيرها مالي بها
واليوم انا ياطير ابشكي لك وانا حالي عصيب
من قسوة الدنيا ومن ضيم الدهر بجنيبها
ومن قسوة الخلان في هذا الزمان اللي عجيب
تعجز تلاقي لك خليل وحالتك يدري بها
قال المثل اسأل مجرب فبل ماتسأل طبيب
وانا سألتك وانت لك خبرة سبق تجريبها
كل المعاني سقتها واطلبك يالله ماتخيب
انك تحقق رغبة اللي جودها من طيبها
قدمت لجل عيونها عقد من اللولو مهيب
وسوار للمعصم وكف ليد مانسخي بها
ابي تساعدني على مابي والاقي مايطيب
من المعاني الشرد والافكار لجل اسري بها
من شان خاطر من تملكني هواها والنصيب
اتبع هوى نفسي وخلاني سريت اهذي بها
واليوم فارقني وانا فارقت مبناه الرحيب
اكرام نفسك خلها تتبع هوى محبوبها
يكفي تحملت على شانه ولا فكر ينيب
شومي عنه له رغية ابطى وهو يعدي بها
النفس طابت وانت يافكري على المعنى لبيب
ماعاد لك في طرد من قفى وهو باديبها
ياوجد روحي يالصحيب اللي على الصحبه نجيب
تفهمه لامن رد وان رديت هو يحري بها
وياوجد روحي لاعوى ذيب وجاوبه الف ذيب
يوم ان بعض البيد تفخر به ويفخر ذيبها
وصف المعاني وسبكها في مدح والا في نسيب
تظهرك للميدان 0لكن قول كيف تصيبها
يالله انا جيتك وتحت امرك وانا العبد المنيب
تغفر لي الزله وخطوات لها نخطي بها
وسلامتكم
محبكم النجم