[@ بن سلمان @]

اقول يا سواعده
انتم على فراشي والضيف على الضيف مطلق , لكن ان بغيتوا تسمعون مني , اللي يبدي لي الان ان صاحب الحق ابو عادل وهذه مافيها شك , وابن ابي محمد متهم بن عزاب واخوه في الكلب , وبن عزاب دافع عن نفسه بانه رجال مستفيد من فراس في حراسة بيته وحلاله واورد لنا قصة مؤداها انه يتهم خصومه اللي اتهموه في ذبحة الكلب والدوافع حسب راي موجودة عندهم لذبحة الكلب اقوى من وجودها عند بن عزاب بل انها تنتفي عن بن عزاب لوجود المصلحة من حياة فراس
الان حنا امام طرفي نزاع يتبادلون الاتهام والحل اللي اشوقة قبل لا ابو عادل يلبسه ابليس ويضوي له دم اقول كل طرف يطرح له معدال في يدين عدليه مثل رويعي الغنم وبن داخل ويتراضون عندهم واللي يثبت عليه شي يشيل الفراش ...... هاه وش قلتوا
القهوه ..... يا عصمان ........ هذه خامس دلة والله المستعان
قهو الرجاجيل ... ولا تخلي الفناجيل في يديهم يتناطلون بها