يابو عادل
انا داخل على الله ثم عليك من بن عزاب حاولت اتصل فيه البارح من عورش ويالله مسك معي الخط ويوم طلبته طلبت رجال وقلت اني القابلة معزوم عند ال بركي ودخيل وهم ارحام وعواني , قال لان جات عيني في عينك انك ماتمسي الا مكلبش ولاني قابل منك دخله ولا طلبه ... وانا رجال لي اسبوع من شعب في شعب اتلاها البارح في العويجاء ويوم امسى الليل وانا انزل لارض قراح واجي ابفرش فراشي واليا بن عزاب مثل ابليس طالعلي بونيته الددسن الله لا يبيح شيطانه ولا يحلله واعود اطوي فراشي وادرع الوادي ما في رجولي ولا نعال والليلة لو تدري وين بايت والجوع ذابحني ماغير حازم بطني ... تكفى شوف لي دبرة ودي بالعشاء القابلة والهرجه مع الرجاجيل .
|