[منقاش]

يا الله مسا خير , أمسينا وأمسى الملك لله , والسلام عليكم ورحمة الله , وبعد :
يا حليفي , أسترعى أنتباهي علوم كثيره لكن أهمها :
تعجبت من السلاح الكيماوي اللي يستخدمه الضرنبان الخبيث في صيد ابو الحسيل , وقلت في نفسي أذا كان ألضرنبان أستخدم هذا السلاح البسيط الفتاك واللي ما يكلف غير توجيه فوهة المدفع على فوهة مغارة أبو الحسلان , يعقل أن الحارشين ما فكروا يستخدمونه ؟, ألا أذا كان منع أستخدام أسلحة الدمار الشامل قديم قدم ألأنسان والحسلان , ومن قبل زماننا هذا بأزمان ؟. هذي ألأوله ...
والثانيه , ذكرت طريقة صيد التمر بأبو الحسيل أو صيد الثاني بالأول , ما تفرق , وأطنبت في علاقة الحارشين بالمحروشين ووسيله الحرش وهي التمر , وشككتنا في نزاهة أثنين من أعلام منتدانا .
والسعال , أراك ما جبت طاري للتحرش بزيت الزيتون , بعباره أوضح , أللي يدهن عكرة أبو الحسيل بزيت الزيتون كيف يعتكر بعدها؟.
الخامسه , أستغرب أنك تقدم ابو الحسيل على أم الحبين , وتكتب عنه وتترك زوجته , وهذا مثلب يحسب عليك , وعنصريه بغيضه ما نرضاها من حليف من حلفانا في زمن تساوى فيه الرجال مع النسوان , وأذا تذكر , هذا سبب من ألأسباب اللي خلت أبو نقشه يقحم موضوع أم الحبين في موضوع الحسيب النسيب ابو الحسيل في الحلقه ألأولى , يعني أني كنت أحاول أتدارك خطاك وارقع الشق حتى لو كبر الشق على الراقع .
السابعه , عندي أحساس أن ابو عبدالرحمن والشيخ سلام يخطبون ودنا ويرغبون في ألأنضمام لحلفنا , ويش رايك لو نقبلهم على ألأقل فتره من الزمن حتى نقضي حاجتنا منهم وبعدها نرمي بهم على المخاوي ؟ ..