[ابو عادل]

النجم الساهر (ليالقيت الديرة الممطورة) النجم الساهر (ليالقيت الديرة الممطورة) النجم الساهر (ليالقيت الديرة الممطورة) النجم الساهر (ليالقيت الديرة الممطورة) النجم الساهر (ليالقيت الديرة الممطورة)

[poem="font="Simplified Arabic,5,black,bold,normal" bkcolor="transparent" bkimage="images/backgrounds/7.gif" border="double,10,teal" type=2 line=0 align=center use=ex num="0,black""]
ياليت شعري هل أتيت معاتباً=أم شاكياً جور الزمان المظلم؟
نجم تباهت في السماء حروفه=حتى تعاظم بين كل الأنجم
ونظمت من بحر البيان قلادة=أحيت زمان قضاعة أوجرهم
يانجم شوقني جزيل المعنى=وانا غني الفكر ماني معدمي
بعض الجروح وطبها لويعجز=آخر علاج الجرح كية ميسمي
وبعض الوجيه يسرني لقياها=طلق الحجاج ولاشبيه القمقمي
من سار في ركب العمي لفوا به=لف السوار اللي يحيط المعصمي
لوهو مفتح والعمي قدامه=يضل دربه من مشى خلف العمي
لاهو مودينا ولاجايبنا=مايت ظما والصب من فوق الظمي
يانجم جاوزت الحدود بمدحي=ولبّستني ثوب الخبير الملهمي
كلٍ علي قسمه وانا ذا قسمي=ولاطمعت بقسم ماهو مقسمي
والناس كلٍ فيه خصلة زينة=أقلها مثل الحصاد الموسمي
وكلٍّ على قيسه يفصل ثوبه=ولاعاد في الدنيا طموع ومغنمي
ماني مفصل في صفات العالم=أبخل من اشعب واكرم من الحاتمي
دار المحل يزها بها نازلها=ويرقص حواليها بسيف مثلّمي
وليا لقيت الديرة الممطورة=حليت ثم اسقيت بلي وغنمي
واليوم تطلب ودّ من لايكره=أخوة الرجل الحكيم المقدمي
يشوش راسي مع رجال النخوة=خصٍّ ليا صار انت دمي ولحمي
يانجم لاتأسف على ماولّى =ولاتبني احلامك على لين الطمي
بعد ظهرت وجيت في حومتها=خلك حصاة رزاح والماقف حمي
إرقى سنود وخلّ عزمك زادك=وامضي كما يمضي الصقيل الصيرمي
لكن ظهر بيني وبينك حاجز=زيحه وتسمع ردّ وافي من فمي
سرّيتها في خاطري مسراها=مابين قحطاني ويامي وسلمي
لوني عرفت السيف جوف غماده=عنّيت له قلبي وساقي وقدمي
قابل وتقبل لاتحط دراقه=هات الفصيح وخلّ لحن الأعجمي
ودّيه ردي يابيوت اشعاري=ودّي سلامي واحترامي واسلمي
[/poem]