[منقاش]

يا شيخ سلام أنا عاتب عليك شديد العتب
عاتب عليك يوم حملتني مسعولية جهالة الجاهل مخاويني , وعاتب عليك يوم جهلت أو تجاهلت الموطن ألأصلي لعطايا الله , والطريقه اللي وصل بها من العالم الجديد للعالم القديم .
يا شيخ سلام مخاويني أعطيته كل الدروس عن البرشومي والتبرشم , لكن الرجل حاقد على الطايف وما فيه ومن فيه , وعنده عقده من الشفوي أعقد من ذنب الضب , وأذا كان الطالب غبي لا تحمل شيخه مسئولية غباوته وقصور فهمه .
وان كان أنت الثاني على عيونك غشاوه كما اللي على عيون حليف المخاوي أبو عبدالرحمن أرجع للرابط اللي أعطاكم أياه أبو نقشه في أول مداخله , وتبي تلقى فيه جواب لكل ما خفي عليك عن المخاوي وعن البرشومي ودياره ألأصليه وقصة وصوله لنا ولغيرنا , وأترك عنك كلام الهراجين من السرويه وكلام أبو حنيفه الله يرحمه اللي مات وشبع موت ونخرت عظامه في قبره والبرشومي بعد ما سمع به أنس ولا جن في العالم القديم.