[ابو عادل]

المشاركة الأصلية كتبت بواسطة {بعيدالنظر}

[poem="font="Simplified Arabic,5,black,bold,normal" bkcolor="transparent" bkimage="" border="groove,3,gray" type=2 line=0 align=center use=ex num="0,black""]مداين غرامك ظلّها من عروش اعناب=سقاها ظماها وأشهب اللال ما اخترته

ولكن لقيت عروشها في زمان اغراب=ذوى غصنها الراوي بعد طاحت اْثمرته

وحاولت اسلّيها عن احبابها الغيّاب=وعن دورها عن سورها كيف عمّرته

وعن شجرة الوادي وعن حيلة الحطاب=وفاسه وحبله وأمنياته ومقدرته

تعال إن بقي للعمر ساعة قلم وكتاب=ترى العمر دون اللي حسبته وقدّرته

ذكرتك ولاح بقلبي لذكرياتك باب=وآنا اللي حسبت إني مع الوقت سكّرته

حبيبي ترى العشره جسد والمفارق ناب=بعد ماصفي وقتي بقربك وعكّرته

وضبيْ الخفوق المنذعر محتديه ذياب=بغى الروض الاخضر مير الاقدار مذعرّته

حبيبي متى يامن بك الخايف المرتاب=متى يرتفع كرت الذي طايحٍ كرته

من أول خليّ من الهوى ماحسبت حساب=تمر السنه والشهر واليوم ما أنكرته

وهالحين لاوالله لو أجحد فآنا كذاب=لو أسلى دقيقه مر طيفك وذكّرته

تماديت في ظلمي وهجري بغير أسباب=وأنا اللي عشان القاك كم ذنب كفّرته

عفى الله عن قلبٍ من اسباب هجرك لاب=وطرفٍ على طاري مواعيدك اسهرته[/poem]

هلا ملايين ... كم أنا سعيد بعودتك أولاً ثم بروعة حروفك
التي شع بريقها في جنبات هذا المتصفح
كم أنت رائع وكم أنت جزل
سلمت يداك ودام فكرك الوهاج
صح لسانك يابوسعيد.