[منقاش]

أحلم يا دكتور مشعان وفكنا من السيفين والنخله والجنبيه .
أنا رجال كنت في حالة غضب يوم حكمت عليك بحكمي الجاير, وتعرف أن القاضي يعتبرحكمه لاغي أذا حكم وهو غضبان , واللي يطلق حرمته طلاقه لاغي أذا طلق وهو غضبان .
ولا تستغرب أذا غضب أبو نقشه وأزبد وأرعد , وتذكر أنه كان يقلب عالي المنتدى على سافله أذا غبت عن المنتدى كم يوم , فما بالك أذا كانت النتيجه أنتقالك للحلف المضاد؟ , وأي حلف ؟ , حلف الهتله الخاين المارق المخاوي , وليش وبأسباب ويش ؟ , بفعل الواسطه وأتصال من الخارج , وبفعل الرشاوي كما حدث في هالحادثه المؤسفه نسأل الله السلامه والعفو والعافيه .
وهالحين بعد أبو نقشه أستوعب الصدمه ولملم عفوشه ما يقول ألا يخرب بيت حمزه (على قول المكاويه) ويخرب بيت التمر , ويخرب بيت فرد حمزه اللي ثار , وليته يوم فار وثار وقع في راس الثار (أقصد بالثار الثور المخاوي) .
ويقول أبو نقشه عفا الله عما سلف , وأدري أنها كانت مناوره تبي تاخذ من وراها التمر وتنقلب على المخاوي ,وأدري أن جينات أبوك آدم عليه السلام عندي وعندك يوم غوى ثم تاب وأهتدى , وهالحين تقدر تاخذ من تمور المخاوي اللي تبي بس خذ برويه وبحكمه ودهاء وخبث , يعني لا تخلى عن التمور ولا تخلى عن مباديك وحلفك معي , وهذا قدوة ثقيف والعرب كلها بدر الدجى وعرعرة المنتدى شوفه قدامك بقدر ما يرسل عليه المخاوي من تمور بقدر ما يطببه على قلة راسه في كبار المصايب وينصب له صعاب المكايد .
والختام , التايب من ذنبه كمن لا ذنب له , والمياه عادت لمجاريها , وليخسأ الخاسين المخاوي والشيهان وحزبه , وسلامتك يا دكتورنا .