لاعاد تنشد .. عن علومـي بعيـد وقريـب
آخر علومي .. تغنيـت الزمـان .. وشـدا
لا طحت مالي عن القسمـه مفـر ونصيـب
وان قمت ابلقى .. لنبرات المشاعر .. صدا
مدام فكري صحيح .. وروض شعري خصيب
خطـوات الاقـدام مـا والله تعـوّد ســدا
الشك زايل .. وانا لاجيـت مانـي غريـب
وإن غبت بعض الغياب . يصير صح وقـدا
ماضيّق الصدر . جرحٍ في الحنايـا عطيـب
الجرح .. ماهوب .. في سلـم المحبـه ردا
انا من التجربه .. والوقت صـدري رحيـب
وان ضقت للصدر سلوي فـي بعيـد المـدا
والصاحـب اللـى ليامنـي بغيتـه يغـيـب
اليا طلب فزعتـي .. مانيـب .. قايـل بـدا
له حق وانا حقوقي لـو .. تـروّح ذهيـب
بلقى لها .. عند عطـران الشـوارب جـدا
العمر لحظـات والدنيـا .. تـروح وتجيـب
واللي مضـي يـا مقابيـل الليالـي .. فـدا
الضيقه اللي تهد الحيـل .. طعنـة صحيـب
والصاحب اطعونه اقسي من طعـون العـدا