[عااااااشقة المستحيل]

1

حروف قاف(ن)تسابق تمتطي السرجاه

على الرمك متوكله ربه الناجي

2

القاف عالقاف ثار وهاج واحتجاه

والحرف صابه من الطوفان عجاجي

3

داهمت موجه ولو هو هايج العجاه

معتاد أواجه بقافي صعب الأمواجي

4

صافي كلامي صفى من الهرج والمرجاه

مسلسل الوزن فيه انتاج واخراجي

5

حرف امتطى القاف ظن القاف من حرجاه

ولايوم قاف(ن)يحقق فوز وازعاجي

6

ان دار فنجان قافي صارع اللجاه

والفكر بحروف در الشعر لجاجي

7

خوي(ن) من خويه يبغي الملجاه

شكى من جور بنت(ن) شكلها عاجي

8

نظارة وجهها شمس أشرقت بالجاه

شراة نور الصباح ورمشها داجي

9

منها مصبح تصوب بالفكر سجاه

من سهمها تم نبض القلب رجاجي

10

ترا أقدام الهوى فوق العمى عرجاه

ودرب الهوى لي يمدحه رد به هاجي

11

اصبر مصبح تخير مهرة(ن) فرجاه

تعدبك سيح وفيافي ودار وأفلاجي

12

وأنا رفيقك بوقت السلم والهيجاه

لو زاد وعر الفيافي قفر بهياجي

13

يحفظك رب(ن) عليه المتكل يرجاه

ولا تاخذك عين ذاك الريم بأدراجي