ابترك الردي لعل تقصر لياليه
ما من وجوده فايده خابرينه
خل الردي لعل تكثر بلاويه
ثقيل دم وفوق ذا ثقل طينه
ياللي عبيده تطلبه ثم ترجيه
أعطف على عبدك وقوّه بدينه
وإلا الردي ما همني وش يجي فيه
لو غاب ما هم العرب فاقدينه
لا واحسافه كيف يصبح مساويه
النذل والطيّب سوى بالسفينه
مواقف الطيّب تعزه وتغليه
وإلا الردي لعل ربي يهينه
أشكي على اللي شامخات هقاويه
أبو عبدالرحمن جعل ربه يعينه
مواقفه هالحين وإلا بماضيه
ترفع له البيضاء على أعلى جبينه
اللي يلبي كل صوت يناديه
رجل المواقف كلنا عارفينه
من حشمته كل يحبه ويغليه
أبوعبدالرحمن جعل يبطي ونينه
أقول كلمة حق والله ما أرجيه
أرجي كريم كلنا عابرينه