[منقاش]

الشيخ سلام الله يسلمه ويرده علينا من الطيبين , ويكفيه شر السواسره والسويسريات ...
حليفي أبو سيفين الله يهديه ويقويه على كل من يعاديه ..
السلام عليكم ورحمة الله وبركاته , والله يكفيني ويكفيكم شر عيال الحرام وبنات الحرام , ويكفيني شر قليل الخاتمه مخاوي منقاش , ويعطيني خيره خصوصا من السكري المفتل وحلوة حايل , والله الله في زيت الزيتون أذا كان عصره أولى ومن النخب ألأول , وبعد :
يا بني عمي يقول واحد من قبايل السواسره أو الفرانسه (ماتفرق حتى لو كان من الطليان) , يقول لحرمته , لا تبخرين وأنا عنك ساري .
وأنا أقول لكم لا تفاتنون عند أبو نقشه أن غاب والا حضر معكم في الطلعه مدري النزله اللي مسويها لكم رويعي الكلاب , لأني ما أحب الرويعي , ولأني ماني يمكم بعد جاني منبوبه من القبايل اللي في هاك الديار نبوا عليه فيها منبوبتين على عدد سيوف حليفي , وكان أقساها على النفس أنهم قرعوا حمار بدر الدجى من الرعي في ديارهم ومفالي غنمهم .
ولا أخفي عليكم أن ألأرض اللي موديكم لها الرويعي مسكونه , والغايب فيها مفقود والعايد منها مولود , وبلغني أن اللي راحوا لها ما رجع أحد منهم ألا متلبس بواحده من أهل ألأرض , ألا أذا فيكم أحد راغب يعبر من عالمه لعالم ثاني ويطلب الحسب والنسب ويتزوج من أخوانكم الجن ياخذ في حسابه أنه ممنوع عندهم تعدد الزوجات , وسلامتكم .

كاتبها : الشيخ الحاج الركن أبو عشره سيوف بدر الدجى وعرعرة المنتدى .....