هذا الإسم احبه واحب راعيه هذا الإسم احبه واحب راعيه هذا الإسم احبه واحب راعيه هذا الإسم احبه واحب راعيه هذا الإسم احبه واحب راعيه
هذا الاسم أحب راعيه واغليه
غلاه عندي كبر الارض وسماها
وحتى لو أنه يطلب اعيوني أعطيه
واعطيه روحي لو طلبها وبغاها
ابيع كل الناس بالود واشريه
وبعده مرض نفسي وقربه دواها
لاغاب عفت الكون كله ومافيه
وضاقت علي الارض وظلم فضاها
ادري واعرف الاسم ومنين راعيه
والا بعد وشلون نفسي غزاها
وعلى الكرامه والمعزه مخاويه
ماهو على شين العلوم ورداها
وحتى قصيدي يفتخر في معانيه
فيها ويرقص قدمها من غلاها
الله يسعد في حياته لياليه
ويسهل دروب(ن)برجله مشاها
شيخه وبنت شيوخ لبيه لبيه
تمشي وحراس الغلا من وراها
ماهي بشيخة خمسة ابيوت ياهيه
لا تلوم قلبي يوم يتبع هواها
ولاصار حاكم حب والقلب قاضيه
مالي مفر(ن)عن مواجه قضاها
وحكمه على عيني وراسي وباغيه
حتى لو انه زاد نفسي عناها
اللي يبيه امر على النفس تمشيه
وليا عصت نفسي عليه اعصاها
لؤلؤ بحر يغني من الفقر لاقيه
دره ثمينه واهني من لاقاها
داره قريبه بس صعب(ن)انا أجيه
ودونه شيوخ(ن)مايقرب حماها
مادمت حين معي ماني بناسيه
ولامت شعري ذكرياته حكاها
دارن وطاها تزدهر من مواطيه
واهني دارن خف رجله وطاها
ليت المنى يفيد عند متمنيه
أبا التمنى كل عمري معاها
من شان محد(ن)يعرف اسمه اخفيه
قصيدتي به يبلش اللي قراها