[عااااااشقة المستحيل]

ما له داعي تفتعل هذا الزعل
قولها لي بكل صراحه .. ما أبيك

قول إن الحب .. عن قلبك رحل
وان قلبي صار لعبه في يديك

ماني أول قلب في الحب انخذل
ولنته آخر من بيخذل له شريك

كم مثلي علّق بمثلك أمل
ضاعت آماله..مثل من يهتويك

وكم ضحيه غرها دور البطل
والبطوله دورها لايق عليك

الحياه مسرح بها العاشق طفل
وانا طفلٍ غرّني حالي حكيك

ضعت .. صدقت المعاني والجمل
ما دريت اني أنا مخدوع فيك

ما له داعي كل مره هالزعل
دام انك ما تبيني .. ما أبيك