كتبت حرف القصيد بجرحي الدامي ===
لوحة حزن من عناي اللي تعنيته
كن الشقا والحزن فالقلب متحامي ===
الراس مجلاس حزني والحشا بيته
اجرم بي اجرام ماهو مثل الاجرامي ===
متعدي الوصف لو بالوصف عديته
لكن ياحرفي المشهور يالسامي ===
عليك نبض الحشا لا ماتغاليته
انت السعاده وانته مصدر الهامي ===
وانت الرجا يوم غيرك ماترجيته
من واقع الام وقتي زادت الامي ===
ولاعاد ينفع مناي اللي تمنيته
ابني حلوم العمر والوقت هدامي ===
وراحت اماني خفوقي وانتهى صيته
يدق دقه ودقه دقها حامي ===
ياليت وقتي يزين ويشفي الا مي