[منقاش]

رد: غباء افزع المقداد .. رد: غباء افزع المقداد .. رد: غباء افزع المقداد .. رد: غباء افزع المقداد .. رد: غباء افزع المقداد ..

أحسنتم يوم أثنيتم على ألأطباء وانتقدتم الممرضين والفنيين
لكنكم نسيتم لا تنتقدون ألأداريين
يا ربعي أنا رجال بدوي لكني أعرف من وين توكل الكتف ؟, المشكله في ألأداره , وكما يقولون , المال السايب يعلم السرقه , وأنا أضيف وأقول ألأختلاط يجيب الفتنه .
يا ربعي , من سوء ألأداره في وزارة الصحه أنها ما سوت مستشفيات من بابها نساء , ومستشفيات من بابها رجال , حتى الولاده تلقى رجال هجين يقولون عنهم أطباء نساء وولاده (طبوا في جهنم) ما تدري هم وين تربوا حتى يتخصصون في تخصص مخل بشيم الرجال والعفه والشيمه والكرامه , وباقي القصه عن طبيعة العمل تعرفونها اللي من كبر فضيحتها وفداحة نتيجتها يستحي الواحد يهرج فيها .
يا ربعي , ألأختلاط هو راس البلا , وأختلاط المستشفيات تكثر فيه الخلوات ويحضرها الشيطان فقط مع البشوات .
يعني مغلوبين لا يخصصون مستشفيات من بابها نسائيه , طبيبات وممرضات وأداريات وفنيات , ومثلها للرجال , من بابها رجال في رجال؟, لا , ماهم مغلوبين .
مغلوبين لا يمنعون الرجال من العمل في تخصصات وأقسام الولاده وأمراض النساء على ألأقل ؟, لا , ماهم مغلوبين .
المواطن , مغلوب لا يرفض الكشف على عرضه في أمراض النساء ألا من قبل طبيبه ؟, لا , ماهو عاجز .
أما العطور , وضيق الملابس , والتجمل ولغة ألأشاره , وخطوات الشيطان اللي تجي بعدها , فهذي ما منها مفر بعد هيأنا لها البيئه والجو المواتي , وسور الدار أذا كان واطي يتسلل من متنه الى البيت كل الواطين , والحرز أذا فقد يتوقف تطبيق حد السرقه , والشباب والشيبان السعودين فيهم كثير من الماصخين الى درجة أن الممرضات والطبيبات ما يسلمون حتى من معاكسة وغزل المرضى اللي يعالجونهم ما بالكم الزملاء اللي يسامرونهم في النوبات المسائيه .
بأختصار , أذا بغيتم تردون الحمار للدرب , أتركوكم من الضرب على البردعه ,
المثالب اللي ذكرتوها واللي تخافون تذكرونها سببها من سوء ألأداره في وزارة الصحه , وأذا أصلح الخلل اللي فيها تصلح بقية الخلل .
أما نجاح ألأطباء السعودين فسببه السياسه الممتازه في أختيار الطلبه اللي يدخلون كليات الطب , يعني الموضوع من أساسه أداري , لأنهم أخذوا نخبة الطلبه , الممتازين أهل التقادير العاليه , وغالبا اللي تقديره عالي شاب جاد وكفو لتحمل المسئوليه , والشجره الطيبه يجي ثمرها في النهايه طيب , وسلامتكم ....