[عااااااشقة المستحيل]

إنتظرته وقلبي إحساسه يققول= صوت خلي اليوم ما أظن أسمعه
الخبر عندي وغيبته بتطول= وقتي من اليوم حسابه باجمعه
ضاق بي صدري وأدوّر له حلول= في ضميري نار شوقي مولعه
عشت في دنيا أدور بها وأحول= عشت فيها بضيق وعايشت السعه
ما لقيت اللي على دربي صمول= كود بعض الناس وقته يمنعه
روضتي جفّت وأنا خلي سيول= مبعدٍ عني وقلبي يتبعه
طبعها اللي يوصف بالطبع الخجول= بين كل الناس عندي أرفعه
الغريب اللي أسولف له وأقول= عن هوى نفسي كلامي أقنعه
ما يلام اللي مثل حالي ينول= لو قضى ليله يساهر مدمعه
لي على الغالي وشوفاته ميول= زود شوقي له غرامي أصنعه
لو حصل لي شوفته همي يزول= وقتها أنسى البشر وأجلس معه
أذكر إني بغيبته دايم أقول= هو حياة القلب هو له مطمعه
فرحتي يا خالد بيوم الوصول= با فرح لقلبي بهمٍّ ودّعه