[حسن عابد]

سم السبب ياعارفه قبل اسميه سم السبب ياعارفه قبل اسميه سم السبب ياعارفه قبل اسميه سم السبب ياعارفه قبل اسميه سم السبب ياعارفه قبل اسميه

يالله ياجـال الامـور المهـمـة=تجلي وهج قلب برى الهم حالـه

البر دجته والبحـر رحـت يمـه=وادرج سبب حظ على الله مساعيه

يوم ان ولد اللاش رزقه على امه=رزقي على اللي ميت القشع يحييه

ماني وانـا بنـدر ببيـاع دمـه=يقطعـك يابيـاع دمـه ومهفيـه

اللـي يبيـع لابسـات الازمــة=ثور يبا بيض العماهيـج تغنيـه

يزعل اليا جت ليلة الـدور يمـه=يرضى بسوق المال فاخوه وفابيه

خطوى البخيل اللي يكبـر معمـه=يقرا الكتاب وواجـب الله مخليـه

اما هرج له فـي رفيقـه بنمـة=والا عطا وامه تضيـع هقاويـه

يامل قلـب كـل مامـات همـه=دارت دواليب الدهر ليت تحييـه

فراق شمل النـاس عيـا يلمـه=وقت يشيب الراس من شاية فيـه

احد ينـام وحـط راسـه بكمـه=واحد تخم النوم عينـه وتخطيـه

واحد يحاول بالردى بنـت عمـه=واحد يحاول ستر عذرى عوانيـه

تخالفت الانظـار شـرق ويمـة=كل هدف رايه من الناس مرضيه

انشدك ياللـي كـل شـي تتمـه=تقرا الكتاب وكل فـرض تصليـه

ويش القليب اللي عميق مجمـه=مافاد غرس ماه عطشى سواقيـه

سم السبب ياعارف عنـه سمـه=سم السبب ياعارفه قبـل اسميـه