[المقداد]

المشاركة الأصلية كتبت بواسطة منقاش

حليفي العمده المقداد بن الأسود : الحمد لله فرجت , وكنت أظنها لا تفرج .
ويبدو أن أبو عبدالرحمن أستحى منك وخاف مني , ولا لقي مخرج يحفظ به ماء الوجه ويتخلص من جريمته ألا يتصل برويعي الكلاب ويطلب منه الرقم السري حتى يبعبص الكنفيوتر .
لكن الرويعي رد عليه وقال , العب غيرها .
أخيرا , سار أبو عبدالرحمن يوجه في الرويعي , ويقول طز بالخنصر المفتاح الفلاني , وطز بالسبابه اليكاكن الفلانيه , ودق هذا بكوع والا بطرف العرقوب , وأضرب هذاك بركبه .
وسار واحد يقول طز والثاني يطزطز , حتى هلل الكنفيوتر من كثر الطزطزه , وسمح للرويعي يخرج ولبدر الدجى يدخل .
وهالحين نعود لموضوعك , ولا أخفي عليك أني ضحكت من خطة الراس الحري حتى فطست , وثاني مره أحبك خطتك مضبوط , وأحذر من شيبان هذا الزمان .
يعني , املي طلباتك وشروطك على الشايب قبل ياكل الراس , حتى تقدر تلوي ذراعه وتستخرج حجر القرده من وسط الردميه , أو على ألأقل ترتد راسك أذا شفت المقداد ألأعظم راكب راسه , ويسير كل واحد عنده راسه , راسك عندك وراسه عنده .
وترى لثماله تاريخ مع الروس والسراويل , لأنه كان قبل أكثر من ستين سنه عيب وشق جيب على الرجال القبيلي ياكل الروس , والا ياكل من السلب , والا يلبس سروال مثل المره (الحرمه) , والا يبهل ثوبه ولا يحتزم , والا يمشي بدون سلاح ولو على ألأقل عصا وسكين , والا ياكل وهو واقف والا ماشي في الأسواق (وهذي ألأخيره شرعيه) .
وأول من أكل الراس في مطاعم الرواسين بالطايف واحد من ثماله الله يرحمه , وكانوا أذا جابوا طاريه وطاري أكله للروس عند الرواسين , يرخون أصواتهم ويتلثمون بطرف عمايمهم من كبر الفشيله والخجيله .
وشويه شويه , أبتدت القبيله وعاداتها تخلخل وتحلحل , ولا مضى قريب من عشرين سنه ألا والرجال اللي كانوا أمس يستعيبون من أكل الروس ولبس السراويل , من أكبر الروسونجيه والسرولجيه المدمنين على تعاطي الروس ولبس السراويل , وساروا ما يصدرون حتى يتغدون أو يتعشون روس , وتسرولت الرجال وأبهلت ثيابها وأختلف جوابها .
ونهايتها نسأل الله العفو والعافيه وحسن الخاتمه , شوف اليوم مقدادنا ما لقي يدهن سير المقداد ألأعظم ألا بشحمة راس .
وليته نجح وأستخرج راس القرده , أو على ألأقل أحتفظ براسه , لكنه ضيع الثنتين , وسلامتك .

الحمد لله أن عدت الينا ياشيخنا الاكبر , وقد علمت من حليفنا الرويعي ان ما حبسك الا حابس , ولكن سامحه الله من تسبب في حجبك عنا الا يعلم اي متعه يجدها القارئ حين يتفرس مشاركات هذا الشيخ الأكرم ام يحاول استفزازك ليجني ثمرة ذلك!!
لكن ياشيخنا الاكبر انت اهل الصفح فاعفو واصفح تربح , ولك منا التراحيب تترى تترى ولك جمال الحرف حتى ترضى .

ارجع لمتن المشاركه واقول تبارك الله ماشاء الله اني اجدك مُلم بقصص الاولين والاخرين وهذا يجعلني لا اخيب ظني بك ابدأ فنعم الحليف ولو اني لدي بعض الاسئله ولكن المقام لا يسمح بها ابداً .خصوصاً سالف الرواس وسالفة عبود اللي يسوي الهريسه !! وربما اذكر شيئاً عنها فيما بعد .

بوركت وكل عام وانت ومحبيك بالف خير
المقداد