[حسن عابد]

الخـوّة اللـي ماتجـي درع وحـزام**صرمتهـا ملعـام وقـت الصـرامـي

وش لي علـى موّالهـا طـول الأيـام**مــادام مايـرفـع نبـاهـا مقـامـي

أبغـى ليامـن قلـت قــدّام قــدّام**والا علـى الدنيـا جزيـل السلامـي
المرجلـة ماهـي بمـوتـر وهـنـدام**ولاهي بقصـر مزخـرفٍ بالرخامـي
ولاهي برتبـة تـاج ونجـوم ووسـام**ولاهي بمنصـب عمـدة أم الحمامـي
ترفـع لهـا حكّـام وتـحـط حـكّـام**اكـل حــرٍ يالنشـامـى قطـامـي
وليا بغيت أقـرب مثـل دوك صـدّام**غـدا مابيـن المـدّعـي والمحـامـي
صوب الجنوب أصبحت وامسيت فالشام**واخذت عبرة مـن جنوبـي وشامـي
جـرّة قلـم قصيتـهـا دون الأقــلام**من غير قاصر فـي رشيـد الزلامـي
الهاجـري سلطـان وابــوه وسّــام**لو مـادرى عنـي كربـت الحزامـي
جـوّد زمـام القـاف بقيـاد وخطـام**مامـوم يتبـع فالـصـلاة الامـامـي
وان قال قصدي من ورى هذي إعـلام**رمية على ماقيـل مـن غيـر رامـي