[POEM="type=1 font="bold medium 'Simplified Arabic', Arial, Helvetica, sans-serif""]من له يارب غيرك يطلبونه=في نهار الحشر في يوم التناد
من لهم يارب لاضاقت يجونه=يطلبونه فالهدى درب الرشاد
من لهم يارب غيرك يشكرونه=لاستتب الامن مابين العباد
ثم شكر لسيدي طعمه ولونه=شهد من جني النحل في كل وادي
الوطن عبن المواطن وانت نونه=ياحبيب الشعب يانبض الفؤاد
علموه اني انا والروح دونه=دون ديني ودون ابو متعب عتادي
انت يامولاي عدلك يعرفونه=جفن عينك ماتهنى بالرقاد
الوطن غالي وتسلم له عيونه=ويسلم لنايف محمد والبلاد
والامن درع الوطن واغلى حصونه=وسيدي نايف محيطه بالايادي
من ورى المسكين ياللي تتبعونه=علموه العلم علم له وكاد
روحه اللي روحت هدر ومهونه=ضعف دين ومنهجه درب الفساد
وينكم ياللي دفعتوه بمرونه=لين نفذها وقلتوا له جهاد
كيف هالمسكين بالله ترسلونه=كبف خليتوه كتلة من رماد
احمد الله يوم خيب له ظنونه=خيب الله ضن مشعلة الزناد
عد ماهلت من المنشى مزونه=خير من صلى على محمد وزاد[/POEM]