[منقاش]

يا بناتي ويا أخواتي : السبب بسيط , وبأختصار , حشمه لكم ما نجيب أساميكم قدام الغرباء حتى لا تلوكها ألألسن , لكن في المحلات الرسميه نعطي أساميكم وأحيان صوركم مثل الجوازات , ولانتحرج من ذكر أسم المره الكبيره اللي تعتبر جده للجميع أذا أقتضى الحال.
ولا نجيب ذكركم لأن مجتمعكم مريض ومليان بالعقد , وباقي فيه من رواسب الجاهليه الكثير, واللي يسمعونه يجيب أسم عرضه أمام الأغراب يعتبرون فيه شي من الدياثه .
بالمختصر , الشاب اللي يسمع أسم بنت يتردد أسمها على أفمام الشباب حتى لو بعلم طيب وذكر طيب , ينفر من خطوبتها والتفكير في الجواز من مثلها , لأن الزاد اللي يحوم عليه الذباب تعافه النفس حتى لو ما وقع عليه.
بأختصار , المجتمع مريض , والناس تبغي سترة الحال , والعاقله اللي تحفظ سمعة نفسها وسمعة أهلها , وتعرف أن هذا المجتمع مجتمع مليان بالعقارب والأفاعي والذئاب البشريه , ولا يخلو من الحمام ومن الطيبين والطيبات , لكنهم الأقليه مع الأسف .