رحبو بضيوفكم ياهذيل
رحبو بضيوفكم ياهذيل رحبو بضيوفكم ياهذيل رحبو بضيوفكم ياهذيل رحبو بضيوفكم ياهذيل رحبو بضيوفكم ياهذيل
صياف الحربي
رحبوا رحبوا بضيوفكـم ياهذيـل
البيـوت الكـرام تفـك بيبانـهـا
لا تقوم القيامه قبل وقـت ارحيـل
ليله نصوم ونصلي عـى شانهـا
محمد المسعودي
نعرف اليوم يوم ونعرف اليل ليل
ماتقـوم البيـوت الا بعمدانـهـا
والله انك عميلي ماش غيرك عميل
راح حصنيها ويجيـك سرحانهـا
صياف الحربي
بعد بكره تبا تشتال حمـلٍ ثقيـل
اسمع السالفـه واجيـب برهانهـا
كيف اعاملك وانته ماترد الجميـل
وان ذبحت الذبيحه تاكـل لسانهـا
محمد المسعودي
الوكيل الله المعبـود منتـه وكيـل
ألزمك بالطلب واهل الطلب عانهـا
والفعل يذكرونه جيل من بعد جيل
والامانـه سليـم العقـل ماخانهـا
صياف الحربي
بايعين البضايـع ماعليهـم كفيـل
ياخذون الثمن وهيه فـي دكانهـا
وانت مريتنا طرقي وعابر سبيـل
وان بدا راسها ماشفـت كرعانهـا
محمد المسعودي
[]دلة الهيل تسبق دلـة الزنجبيـل
نارهـا والعـه ماعـج دخانـهـا
وانت تدري وتعلم ماخلق المستحيل
نترك هزالهـا ونذكـي سمانهـا
صياف الحربي
جعل طيراً طلع راس الشفى مايميل
لين كل الطيور تكف جنحـا نهـا
وش بقى لك بعد ولعت راس الفتيل
مابقـى غيـر حبتهـا ونيشانهـا
محمد المسعودي
عزوتي يحتمون ويسلمون الدخيـل
معركه حاميـه وهذيـل فرسانهـا
ودي ان الرعد والبرق يقفاه سيـل
تشرب الشجره اللي يبست اغصانها
صياف الحربي
كان صادق على ماقلت هات الدليل
من يخاوي هذيل يغنـي الحانهـا
وانت مدري تبى شقران والا شعيل
كلهـا زمـل توعدنـي بنيبانهـا
محمد المسعودي
طول الله شليلك ياطويـل الشليـل
اخوة المسلميـن تسانـد اخوانهـا
نجمك الجدي ولا سعد ولا سهيـل
عيش في كٍونها واخضع لديوانهـا
|