[منقاش]

رد: مساع لمعالجة وتطوير 56 كيلو متراً مربعاً من عشوائيات الطائف رد: مساع لمعالجة وتطوير 56 كيلو متراً مربعاً من عشوائيات الطائف رد: مساع لمعالجة وتطوير 56 كيلو متراً مربعاً من عشوائيات الطائف رد: مساع لمعالجة وتطوير 56 كيلو متراً مربعاً من عشوائيات الطائف رد: مساع لمعالجة وتطوير 56 كيلو متراً مربعاً من عشوائيات الطائف

مدينة الورد ؟؟؟؟؟, كانت فيما كان من سالف العصر والأوان .
أخويه صقر : كله حكي ومضيعه للمال والوقت , وبكره تشوف من ورا الشركه ؟, وفي جيب من تصب البركه ؟.
ولو سألوا البدوي راعي الحمار أبو نقشه كان حلها لهم بدون لجان ولف ودوران .
بكلام ثاني , لو سألوا أي واحد من سكان العشوائيات , وقالوا , يا ولد أنت ويش أوجبك تعشوي المدينه يا معشوي ؟.
كان جاوبهم وقال : والله يا جماعه ما حدني على المر ألا أمر منه , أنا رجال دخلي ضعيف , وأبصاري أضعف , والعايله كبيره , واللقمه اللي ما تكتب لصاحبها يشقى وهو ما حصلها.
أنا يالأجواد , رجال ما عندي فلوس أشتري بها أرض في المخططات , وواسطاتي عديمه ولا في مقدوري أستخرج منحه مثل اللي يستخرجون .
ولو طالبت بمنحه يمكن أموت وهي ما صدرت , وتطلع روحي وهي ما طلعت , وأذا صدرت ألقاها بعيده في الخلا الخالي , ولو تخبلت لا قدر الله وبنيت فيها أحتاج حتى أصل المدينه واقضي حاجاتي لسفر أجمع وأقصر فيه المكتوبه .
طيب , والحل معك؟.
الحل : فيه (ربع حل) : أتركونا يا أهل العشوائيات في حالنا , تروا ما على حالنا مزيد ,, ووصلوا لنا الخدمات من سفلته واناره وماء وصرف صحي , وهذا ألأخير أهمها , وخلونا تحت رحمة الله .
وفيه (حل كامل) : شوفوا هالأراضي القريبه من المدينه اللي كل فتره يطلع علينا واحد ويأخذها منحه بالكيلو مترات ووزعوها علينا , نحنا أولى منه, ووزعوا على غيرنا من اللي ما عندهم أراضي ولا بيوت حتى لا يطلع عشوائيات جديده , وعوضونا في ألأرض والبناء العشوائي , ترون ظروفنا تشكى الى الله , وبعضنا من اللي وجبت له الزكاه .
طيب , ونهايتها معك يا ابو العشوائيات ؟.
يا بلديه , والله أن ألأمل مفقود في أي حل تحطون أيديكم فيه , وليتكم بس تقللون من الهرج وتكرمون أنتم والأوقاف وتاخذون أرض واسعه (منحه) وتخلونها مقبره للأموات بدال المقابر اللي ما عاد تاسع الوفيات , وأذا أفلحتوا في هذي , لاترخصون لمخططات جديده حتى تكون مكتمله بناها التحتيه وأهمها الصرف الصحي , حتى لا تفسدون المياه الجوفيه على ماهي فاسده ,, وأذا نجحتوا في هالثنتين , وقتها شوفوا حلول للأحياء من العباد والأحياء من البلاد .