[منقاش]

أخويه العمده المقداد بن الأسود : السلام عليكم ورحمة الله وبركاته , وبعد .
الأوله , أشوفك قلت مشاركاتك مع محبينك ابو نقشه وولد عمه الرويعي , وعسى ما يكون جاء منا ما يحثر أو يكدر الخاطر مع كثرة مزوحنا اللي ما تصدر ألا من قلوب نظيفه .
وترى من طبعي , ما أمزح ألا مع اللي أودهم , وانت من الناس اللي أودها وانا ما أعرفها ألا بمعرفاتها , ولا كتب لي الشرف بمعرفتها معرفه شخصيه ...
الثانيه : الناس تحتاج لتوعيه , وتحتاج مع التوعيه لعقوبات مثل الغرامات , لأن فيه نسبه من الخلق تقل وتكثر حسب ... أذا أمنت العقوبه أساءت الأدب , وتحتاج لعقوبات حتى تميط الأذى من جوار بيوتها وطرقها , وحتى عاقلها ينهى جاهلها .
أما العقلاء فهم ناس يتقربون لله بأماطة ألأذى عن الطريق , ويتقربون لله بكل ما يدخل البهجه ويبعد الكدر عن جيرانهم خاصه وعن المسلمين عامه مثل الحرص على النظافه ..