[مشاكس]

الا يالله يامنشي المخيل ومحيي البراق الا يالله يامنشي المخيل ومحيي البراق الا يالله يامنشي المخيل ومحيي البراق الا يالله يامنشي المخيل ومحيي البراق الا يالله يامنشي المخيل ومحيي البراق

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا حامدك ياربي وانا شاكرك يا خلاق=وانا مثني عليك الخير كله وانته الوالي
حمدتك وانته اللي لك تذل وتخضع الاعناق= تذل الك الخلايق يوم لا جاه-ن- ولا مالي
نهار-ن- فيه تنهار العزوم وتنشف الارياق= ولا يبقى لاحد ملجى يقع رب السما العالي
طلبتك ياعظيم الشان تجلى هم قلب-ن- ضاق= من اهوال الزمان اللي لها فالقلب مدهالي
طلبتك يا معين الصابرين ومحصي الاوراق= تشافي ميتي من سقم حل فصدرها الغالي
منه باتت ليالي ما تحرى ساعة الاشراق= تكالي فالنجوم الساهره من كثر الاهوالي
عليها من صواديف الليالي شي ما ينطاق= لو انه مرتكي له ضلع من في القضى مالي
ست سنين ودموع القرايب حولها تنراق= ولا بيد القرايب غير سكب الدمع همالي
طرقنا كل بيبان الاطبا نبغي الترياق= على نهج النبي محمد اللي فالاثر قالي
تداوو واطلبوا راعي الشفا من قاصي الاعماق=تروا من يطلبه من قلب صافي مارجع خالي
لكن ازرى الطبيب وحاروا اهل الود والاشفاق = ومن حارت بصوره يرتجي علام الاحوالي
الا يالله يامنشي المخيل ومحيي البراق= يا محصي كل ذرات الرمال دقاق وجلالي
يازبن الملتجي ياعون من بعد المغيبة فاق= يا محيي الارض بعد امست هشيم-ن- دمدم-ن- بالي
تعجل بالشفا لامي وترجعها لقلب اشتاق= لقلب اشتاق للغالي وهوطول العمر غالي [/poem]