[الحاج سلام]

المشاركة الأصلية كتبت بواسطة منقاش

يا شيخ سلام , بسلامتك أنت والرويعي وابو عبدالرحمن من البهارات , وخلوها لأهلها المبهراتيه الكبار اللي يعرفونها حق المعرفه , ويعرفون معايرها ومكايلها وموازينها , ودرسوها على يد علماها الأصليين في السند والهند , وأكبرهم على وجه ألأطلاق المبهراتي شيخكم الدليلاما ابو نقشه أدام الله ظله .
أما عن مجرة التبانه , فلا تسأل عنها أحد غيري , ولا أحفى أقدامي وكسر كرعاني في زهرة شبابي غير المسناد والمحدار فيها , وأذكر في أيام عيلتي وطغوتي , أيام الدساميل والعمايم والثياب المصبغات , أذكر أني كنت أسوق بالبقر في مجرة التبانه هذي اللي تهرجون فيها , على بير عندنا يسمونها بير التبانه , ومجرتها يسمونها مجرة التبانه .
هذا بخصوص مجرة التبانه , اللي كما قلت لك , لا تسأل عنها مودماني غيري , أما المجرات الثانيه فالكذب عيب يا رفيقي , وتقدر تسأل عنها كذاب غيري , وسلامتك أنت والسامعين ...

شيخنا منقاش سمح الله امره .


بيض الله وجهك يا ايها البهراجا الكبير .

لقد بهرتها بالكاري والمردقوش .


وهكذا البهارات والا فلا .