[النجم الطاير]

الـتـعــاجـــيــــب الـتـعــاجـــيــــب الـتـعــاجـــيــــب الـتـعــاجـــيــــب الـتـعــاجـــيــــب

حليلـك حليلـك يا علـوم التعـاجـيـب * حليلـك حليلـك يا الرمايـا العجيـبـه
من الـرامي الي محتجيلـه في سرديـب * يغـط الزنـاد ولا يحـق الضـريـبـه
وبعض الرمايـا ترمي الصيـد وتصيـب * وبعض الرمايـا زاحـفـه ما تجيـبـه
وبعض الرمايـا جات صعقـه ورا ذيـب * وهـو ذيـب ما كل الرمايـا تصيـبـه
ترى الذيـب ذيـب وسالم من العذاريـب * وكل الرمايـا في اتجـاهـه صعيـبـه
وش العلـم يا الطيّـب تهـز المشاعيـب * تلـم الحطـب ودك تشـب الشبـيـبـه
تمثّـل وغـن وجيـب كـل الأسالـيـب * وعبّـر عن الشـي الـذي تـدعيـبـه
ليـا كانـت الأنسـاب تمشـي بترتيـب * ديرنـا تراهـا من ديـركـم قريـبـه
ولن كانـت الأنسـاب تمشـي هذاريـب * تِدنَّـوا رحلكـم ما عليكـم غصيـبـه
ثمالـه تـرى مثـل النجـوم المشاهيـب * ومن لا يفكـر زيـن يلقـى نصيـبـه
ثمالـه كثيـريـن الهــلا والتراحيـب * بيـوت الشهامـه والعلـوم العريـبـه
ويـا ليـت من فضلـك تكلّـم بتأديـب * ولا تلحـق الحـي المقـفـي بغيـبـه
قريش أهل وزعه وأهل فزعه وأهل طيب * لكـن أنت جاهـل والجهالـه مصيبـه