[الساكن]

المشاركة الأصلية كتبت بواسطة سنا الهجرة

هذي طالت اعماركم يوميااتي .. يوميات أم احديجان في ليالي رمضان

يبدا يومي بصلاه الفجر أول ما أقوم اتغمص واتوضا واصلي الفجر .. وارووح الدوام واجلس شوياااات تقريبا ..وبعدها ارجع اخذ العيال واوديهم المدااارس وكل يوم على هالموال .. <<< قلق
المهم بعدها ارجع البيت وافطر ذاك الفطور >> ماني قايل لكم وشهو .. إتقاء الحسد..
. وبعدها ارجع الدوام واجلس لين اذان الظهر واصلي .. واطلع واخذ العيال من مدارسهم.. واجي القى السفره مجهزتها ام العيال الله يطولي بعمرها ..

واتغدا ولازم طبعا أرفع ضغط العيال هم يبون سبستون والا القنوات الرياضيه وانا طال عمركم ما أبي الا قناة الاقتصاديه اتابع السوق ( قناتي المفضله )>>> خبركم من ضحايا الانهيار واحاول ارقع ما يمكن ترقيعه..
وفي نفس الوقت فاتح المحفظه وهات يا صقع .. مره يصقعوني ومره >>> يصقعوني خخخخ

.. وعلى النت فاتح موقع هوامير البورصا السعوديه ومنتديات بلاد ثماله ..

وبعدين تجي صلاة العصر واصلي واجي واصكها نومه الين اذان المغرب واقوم والقى القهوه جاهزه .. اتقهوى وارووح اصلي وارجع البيت واجلس على النت لين اذان العشاء واروح اصلي ... وارجع البيت وادور العشا وبعده على النت لين الساعه 12 والا حواليها.. وطبعا بعد كذا على المخده
(مخدتي محبوبتي يا قرة عينيه)

طبعا هذا ماهو روتين يومي >> يعني أحيانا أطلع البر في المخيم عند الشباب .. عند البعارين والغنم والدجاج
واذا طنت بروسنا .. سحبنا أطرف تيس وسنعناه .. وانواع الطبيخ .. مره سليق ومره مشويات ومره في القصدير
ومن هذي العلوم اللي تحبها بطونكم ..

وهكذآ يبدأ يومي بابتسامه عريضه وتنتهي بتكشيره مريضه وتمضي الايام والشهور والسنين ههههههههه

والخميس والجمعه لها روتين ثاني

ويارب .. ما تعجبكم يومياتي

فعلا فهلا يوميات جميلة جدا يابعد كبدي 00احس انك انسان راقي وخيالي واحسن ماعجبني
بيومياتك00يوم تسحب اطرف تيس وهاتك انواع الشوي 00المره الثانيه اعزمني00ههههه