المشاركة الأصلية كتبت بواسطة منقاش
يا بنتي , يا كثر الهراجين والزبده قليله , لكن ..؟
لأأوله , ما للعبد غير ما كتب الله له من خير والا غير , رفعت ألأقلام وجفت الصحف , ولا كل زواج فيه خير , ولا كل شهادات فيها خير ...
لثاانيه , أغلب اللي يقولون مثل ما كتبتي , الحسد آكل قلوبهم , ويحاولون يقللون من قيمة النجاح العلمي , لأن أغلبهم فاشل , يعني , الشغله فيها الكثير من الحرب النفسيه , والقليل من الجديه , والمفروض أن اللي عندها شهادات ولا كتب الله لها زواج ما تعير أهتمام لهالنوعيات , ولا تفتح معهم نقاش في هالمسايل , وأن شاء الله ربي يرزقها بواحد في سنها وعلمها , ويا كثر اللي تزوج بعد الثلاثين من الجنسين ...
لثاالثه , المفروض توفق الواحده هي وأهلها بين طموحها العلمي وفرص الزواج , يعني أذا جاها الشاب اللي تمناه , دين وخلق(وسامه) وخلق(أستقامه) , (وحطوا اللي تمناه بين قوسين), وخطبها وتعهد يسمح لها تواصل دراستها وتعهد بدعمها , ما تقول , أول أخلص دراستي الجامعيه وبعدين أتزوج , لا , تصلي ألأستخاره هي وأهلها , وتوكل على الله .
الرابعه , المفروض أن اللي ما يكتب الله لها زواج لا تكترث واجد , وتترك ألأمر للواحد ألأحد , ولا ترضى ألا بزوج وزواج مشرف والا تبقى في بيت أبوها أشرف لها مليون مره من لئيم ترتبط به , ويشقيها بقية عمرها , ويصبح لا هو اللي ينصبر عليه , ولا فراق الذريه وضياعهم يهون عليها لو طلبت الطلاق منه .
لخاامسه , لا تحسرين على الذريه , لأن بعضهم نقمه , يتعبون والديهم ويهمونهم في صغرهم ويعقونهم في كبرهم , ويتمنون عزرائيل على قول المصريين يخلص عليهم أذا طاحوا عندهم, وخدامه تخدمك في كبرك أحسن لك في حالات كثيره من كل بناتك .
العاشره , كوني بالله ولا تبالي , واتخذي الله صاحبا واتركي الناس جانبا , ولا تقرين أذنك للقيل والقال ..
العشرين , بعض الناس ينعزلون بحالهم وعيالهم , لا يحضرون مناسبات ربعهم وجيرانهم , ولا يواسون مصابهم, ولا يتزاورون مع من تلزمهم مزاورتهم , ويستغربون ليه الناس ما تخطب منهم ؟,وناسين أن الأمهات ما يخطبون لأولادهم ألا من اللي يخالطونهم ويعاشرونهم , ويتهيبون من المجنبين عنهم .
الواحد والعشرين , التشرطات الزايده , شبكه , أكله , لية ذراع , ركبه , عنصريه , نقره بكلمه , مهور زايده , أهل مكفهرين للناس يبغي للواحد الف حيله وحيله حتى يكسر الحواجز اللي بينه وبينهم , مثل هالعوايق تسد الطريق على الخطاب .
|