[منقاش]

أحسنت يبو تركي , وهذي أول مره ألقى في حكيك فايده ...
وتعليقي
أولا , كيف لو هالسيل في منطقة أوديه محشوره بين الجبال مثل الطايف ومكه ؟.
وثانيا , هذا درس للي يجهلون قوة السيول , حتى أذا وجدوا سيل خفيف مع وادي لا يحاولون يقطعونه , لأن السيل فجأه يرتفع وياخذ السياره بمن فيها , أو تطفي ويرتفع منسوب الماء وسايقها يحاول يشعلها .
ثالثا , تذكروا سوالف اللي شاهدوا سيل الربوع من اللي أعمارهم في أواخر الثمانينات أو في التسعينات , وأذا نزلتم عورش وعلق طالعوا بقايا الجروف من أثاره في عروض الجبال في منحنيات الأوديه , تذكروا هالأحداث ولا تسكنون المساكن اللي في وسط أو ضفاف الأوديه , وترون المجرى اللي تحت مسيال وادي وج صغير ولا يستوعب ألا السيول الصغيره .
رابعا , لا تأففون من المشاهد اللي تشوفونها , لأنها من أقدار الله , وهذا لا يمنع من لوم من يلحقهم اللوم في التقصير في البنى التحتيه والتخطيط ولهط اللاهطين لمبالغ عقود التصريف , وأياكم تشترون سيارات السيول بعد تسمكر , ترون صداها ينخرها من جوتها وهي تلمع من خارجها , والله يخارجنا ويخارجكم , وسلامتكم , وشكرا ...