والخيال اكبر من الحلـم والواقـع مريـر
يا بـري حـال المعنـا وحزنـه وقهـره
ودي أكابر على الجرح والحـزن الكبيـر
اللي لو استصغره طيـش حزنـي كبـره
كبر حزني عقب توديعـة الليـل الأخيـر
كبر دمعـات اليتيـم فزوايـا المقبـرة !!
أتقوى بالصبـر والحـزن سيـف شطيـر
والجفا ما هـو سنافـي ولا فيـه ثمـرة
ليتني ما كنـت أحـب بقناعـات الفقيـر
وابتسامات الحيـاوي وضحـك المبـزرة
وليت ما عندي أحاسيس وشعور وضمير !
وليتني مبكي على الماضـي ولا اتذكـره
الحنين يكبّـر الحـب لـو انـه صغيـر
والخيانه تقتل الحب وتقـص ظهـره ..!
صاحبي ما نيب ميت مـن الأحزان..ميـر
رتب اجروحي غلا وبعثـر اللـي تبعثـره