[ماندم من سكت]

[POEM="type=2 color=#660066 font="bold medium Arial, Helvetica, sans-serif""]من قبل لا تبعد دروبك خطاويك
وتشتت أحلام العمر في يدينك


اسمع ترا عندي كلامٍ بوصيك
واحفظ وصاتي بين قلبك وبينك


إن كان لي عندك غلا كثر مااغليك
أبغيك تذكرني بقايا سنينك


وان عاندت دنياك حبٍ سكن فيك
والقلب عيا يتبع إلا حنينك


مثلك عصاني قلبي وقام يرجيك
من وين ما أقفيت يبقى قرينك


روّح ولو راحت معك روح مغليك
بس لا تهل الدمع من مقلتينك


تكفى حبيبي مثل ما كنت أبغيك
اهتم في حالك ..// وربي يعينك


مابي أحاتي من بعد ما أخليك
تكفى تفاؤل // لا تعقّد جبينك


وان مرت الايام كنها تعاديك
ولا لقيت اللي يشدها يمينك


روحي تلاقيها بقربك تلبيك
تلقاني ابلحظات قدام عينك[/POEM]