[منقاش]

هذي قصة واحد من حلفايه الجداويه مع سيل الربوع , أتركم معها وهو يرويها لكم باللهجه الجداويه :
.................................................. .................................................. ........................................

احكي لكم قصتي مع سيل جدة ..!!!!

يوم الأربعاء بتاريخ 8-12-1430هـ

صــاحي الصبااح متأخر عن الدووام..تروشت و لبست ثووبي بسرعه بسرعه و حركة السياارة و مشيت على الدووام..!!!!
الجوو جنان و الفرحة كبيرة بحكم انه اخر يووم دووام و قلت ياسلام على الجوو الجنااان و ان شاء الله يستمر كذا خلال الاجازة عشان الواحد يعيد تمام.!!!!

موقع المصنع الي انا شغااال فيه كيلوو 11 قداام بلدية ام الســـلم المهم يووم وصلت المصنع قلت اجنب السياارة على طريق مكة امام بوابة الادارة و فعلآ و قفت السياارة و فجاءة سبحاان الله شي قالي لا توقف هنا و روح و قف في اللفة خلف المصنع و فعلآ مشيت على كلام احساسي و وقفت خلف المصنع ( منطقة شووية مرتفعه )..!!!

ادخل المكتب و احااول اخلص الشغل الي عليا بسررعه بحكم انه اخر يووم..!!!!
وانا اشتغل و اشتغل اشووف مويه من تحت الباب ..قلت ممكن العمال ينظفوو الممر و المويه دخلت و شويه اشوف نسبة المويه في ارتفااع ..اروح عند المدير و اقووله ايش الموويه هذه قاالي سيوول و امطاار بره و ان شااء الله تخف شوويه انت روح كمل شغلك بسرعه عشاان بكرة اجاازة قلت طيب رجعت مكتبي و اكمل شغلي و شوية المويه في ارتفااع غير طبيعي الى نص سااقي ...خفت قلت لازم اشووف ايش الي صااير بره .روحت فتحت الباب و انزل على الممر اشووف ايش الهرجه وشويه اشووف سيل كبير و عنيف في الممر و كل الموظفين شردوو من غير مايتكلموو (نفسي نفسي)....!!!!!

المدير يقوول قفل الباب بسرعه عشااان الموويه.....قلتله طيب قفلت الباب..!!!!!
وشوية المويه الى فووق الركب قلت في نفسي مووووته اذا ماخرجنا الان المهم المدير قاال قووم نخرج قلت طيب وشويه الكهرباء تنطفي حااولت افتح الباب والله الباب علق قلت خلاص رووحنا فيها وشويه المدير يجيب مطرقه و قالي كسر الباب و حااولت حاولت الى ماكسرت ممكسك الباب و ان فتح الباب ..والله سيل غرقنا و نسبته فووق الصدر سحبت المدير معاايا بحكم انه مايعرف يسبح و سبحت فيه في الممر وقوة السيل يضرب فينا في جدار الممر يمينآ و شمــالآ و الجوووال طاار قدامي و المدير ماسك فيا (والله حسيت نفسي بطل التيتنك ) الى ماوصلنا بووابه الى بيوصلنا الى السطح....حاووولنا حاولنا الى ماوصلنا الباب و طلعنا السطح وشوفنا الموظفين فووق و قالوو والله افتكرناكم موتو..!!!!!

المهم قعدنـــــا فووق و ريحنا و قلنا ممكن السيل يهدي شووي ..!!!
ساعه ساعتين ثلاثة و السيل في تزايد و ارتفاااع...!!!!!
ومن فوق السطح اشووف الوضع حوالين المصنع قلت القياامة قربت سياارات غرقاانه سيل يجر معااه راس تريلا و حفرة كبيرة بجنبنا مترووسة سياارات و فيها بشرريه..!!!!
واشووف دركتر بشيل بشريه معاااه...!!!!
المشكلة ان السيل جااي من كيلوو14 (منطقه مرتفعه ) و المصنع في كيلوو 11 (منطقه منخفضه)
يعني السيل كلوو عندنا....!!!!!

المهم حااولنا نخرج من المبنى بس ماقدرنا بحكم ان السيل كان حولين المصنع وبشكل عنيف...!!!
قولتلهم اذا ماخرجنا الان و الليل جااء ماراح نشووف شي في الليل و ماراح نقدر نمشي شبــر..!!!!

كل واحد افتى من عنده قلت بكيفكم ومشيت انا و مسؤل المحااسبه سبحنا من الخلف و روححنا الى المستوودع الخلفي والسيوول تضربنا وشوية نشووف حفررررة كبيرة قدامنا خلف المصنع مترووسه مووويه و داخلها سياارات و عووائل و ناس تطلب المسااعده...!!!!
قلت للمحااسب نمشي و خلاص بلاش نوقف السيل راح يجرنا للحفرة...!!!!!
ومشينا الى ماوصلنا طريق مكة ..!!!!
المشكلة الان كيف نعبر الجهة التانية بحكم ان السيل اخف في الجهة المقاابلة والله ناس رمت حباال و تشعبطناا فيها ويسحبوونا و نسحب نفسنا والسيل يلطش فينا يمن شمال و الناس تقوول امسكوو بقوة و لا تفلتووو الحبل و اخيرآ و صلنا الجهة التانية....!!!!!!

ريحنا شووية و اخذنا نفسنا ...!!!

وبعدها قررنا نكمل مشي من كيلوو 11 الى كيلوو 6 و هذه حكااية تاانيه..!!!!!
في الطريق سيووول حفر امطااار ناس تبغى مسااعده و ناس تعدي السيل و ناس تتفرج و الله الطريق مقسوووم نصفين....5 ساعات مشي والله و انا ماشي اشووف الناس و اشووف السيل والله حسيت اني في كاابوس شي مريع و مريع جدآ ...الناس تقولنا لا تمشووو وقفووو الى ما السيل يهدي قالي المحااسب سيبك منهم خلينا نكمل مشي ...ٌقلتله طيب..مشينا وكل واحد معااه خشبه نمشي و نحسس تحتنا اذا في حفر او شي..!!!!
وقلت للمحاسب اي ضربة او ألتمااس كهرباء راح نرووح فيها ...قالي خلاص امشي اذا متنا ان شاء الله شهداء....طليت فيه كذا قلتله طيب ان شاء الله شهداء..!!!!
مشينا من غير توقف الى ماوصلنا شاارع بن لادن ومنها سيده على البيــــــــــــــــت..!!!!!
الاهل قلقانين لا مداهم يتصلوو عليا و لا يوصلولي من الساعه 9 الصبااح الى 9 الليل...!!!!
المهم اخذتلي دش حاار و اكلت اكل الوحوووش وعلى طوول نوومه...!!!!!

صحيت اليوم الثاني و انا مكسر ومنتهي و تعب اليوم الي قبله حسيته في ذيك اللحظه..!!!!!



المهم الان جاء يوم البحث عن السيارة ..!!!
بلمختصر حصلتها في اللفه الي حطيتها و بحكم انها منطقه مرتفعه السيل ماجاه الا خفيف بس السياارة نصهااا مووويه و طين و اي شي. وكل شي.يعني منتهيه.!!!!
اخذتها على تغير زييوووت و منها على المغسلة و الى الان ماخلصت غسيل....!!!!!

و الحمدلله على كل شي..........!!!!!
وهذه ثاني تجربه ليا مع الكوارث الطبيعيه بعد كارثة زلزال تسووونامي الي ضرب اندونيسيــــــــا..!!!!
و ان شاء الله اخر المصاائب..!!!!
وسلامتكم



طبعا اكيد الكل يبي يعرف قصة هذا الشاب اللي في اندنوسيا
اذا تبونها بعدين انزلها لكم