[منقاش]

اني منقاش . يبو هاشم . التكروني الخبيث يطفي النور ويفصخ ويشرد في الظلمه محد يشوفه والي يمسكه ينملط من يده من الزيت اللي متمسح به
لكن انا عندي مريره في خرج الحمار وخليت العسكر والهيعه يدخلون وسويت للمريره خرته ورميتها في الارض عند الباب وربطت راسها في رجل الحمار واندسيت برا بين رجلي الحمار . واول ما دخلوا العسكران جا ريسهم شارد وطاح في الخرته وانقز عليه واتشربط فيه الا وهو ريسهم يصيح ويقول فكني الله يخليك التكروني جاينا . وافكه ويشرد وازيد ارمي الخرته ويجي شارد التكروني من داخل والعسكر ما يشوفونه في الظلامي وتمسكه الخرته في رجله وارمي نفسي عليه وادوخ من صنمته واصيح على العسكر ربعي يا هلي راح بي التكروني ويجون يتراكبون وياخذوني ويتركون التكروني .
انا اصيخ عليهم واقول التكروني وراكم وهم ما يفهمون المخبل يظربون فيه ويقولون شوف الساحر يوم حول نفسه من تكروني لبدوي .
اخذوني للقسم وتوطوا في بطني وعذبوني عذاب الهدهد حتى اعترفت اني التكروني الساحر وزاد فجعوني يوم سمعتهم يقولون بكره نوديه لشيخ في المحكمه يحكم بقتله . كلمو ريسهم الي هرب وفكيته من الخرته وقالوا له الساحر هنه مكتف ومغير شكله . جانا الريس ويوم شافني قلت له انا الي فكيتك من الخرته فكني الله يفكك والتكروني الحقوه مربوط في رجل الحمار . كان يدفل على العسكر ويرسلهم يجيبون التكروني الي لقيوه متشربك في المريره جنب الحمار.