[منقاش]

حليفي العمده المقداد بن ألأسود : بارك الله فيك , ومشكور على المعلومات اللي أضفتها عن هذا ألأسود الخاسي , وأحب أستبدل الكلمتين (زيت محروق) في العبارة , وكأنك قد صببت على أديمه زيتا محروقا , بكلمة قطرانا .
وفي ختام كلامنا عن الخاسي أحب ألخص مجمل ألأفكار اللي توصلنا لها :
أولا , ألأسود يختلف عن الصل كما ذكر الشيخ سلام في أول مداخله له , وكما أكدته بنتنا السنافيه اللي أعطتنا أسمه العلمي , وبذلك قطعت جهيزة قول كل خطيب ..
ثانيا , ألأسود يقرص من مكان واحد وهو الفم على عكس ألأشاعه السايده عن قرصه من ثلاث أماكن , وتبين أن سبب هذي الشبهه عند ألأولين , هو كون هذا الداب يلدغ بسرعه خاطفه ما أمدي العين معها تعرف مصدرها , خصوصا أنه مع السرعه الخاطفه لتحريكه لراسه ما يحتاج يفتح فكه عند اللدغ مثل بقية ألأحناش , بسبب مرونة حركة أنيابه في الخروج من الفك بدون يحتاج لفتحه , المرونه اللي حالت دون أستحلاب سمه وتحضير مضاد له من بين كل الهوام , وهذا يزيد من خطورته على ساير الهوام .
ثالثا , ألأسود هامه ليليه تشتد رؤيتها في الظلام , وتضعف ضعف متناهي مع النور الطبيعي والصناعي , وهذا هو سبب تدني سرعته وسهولة قتله في النهار .
رابعا , مقولة أنه ينتقم من اللي يصوبه (يجرحه) , مقوله مالها دليل يسندها , وأن ما نفينا صحتها كليا (وهذا اللي أعتقده) , أستبعدنا التصديق بها ألا أذا جاء دليل يثبتها.
خامسا , الحذر من أستخدام العصا ونحوها في قتل هذا الداب , حتى لا يلتف عليها وينخرط على يد صاحب العصا ويلدغه .
واختم هذا الكلام , بتحذير لأصحاب ألأستراحات والبيوت اللي في الديره , البيوت اللي ماهي محكمة الغلق أبواب ونوافذ , أحذرهم وأوصيهم بالحذر على عوايلهم , لأن هالداب متى ما وجد السكون والهدوء أختبا داخلها بين ألأثاث والفرش , وفي أصغر وأبسط ألأمكنه .
أسأل الله يحمينا وأياكم من كل مكروه , والحافظ هو الله , ولكن , أعقلها وتوكل , وشكرا .

عدوي اللدود مخاوي منقاش : أستح على وجهك , ورح نم وتعذبل من أبليس , ويش مصحيك في هالساعه المتأخره من الليل ألأسود؟؟ ...