[رعد الجنوب]

المشاركة الأصلية كتبت بواسطة مايميزني لقب

تجي نسمه..

تجي ريح..
لا توقف يوم تجنيح القصايد
لاتروح وتستريح

كل يوم أكتب قصيدة
كل صباح..
ابتدي بسم الشعر
وافتتح يومك..ولوّن
بعثر اللي قبل هاللحظة متكون!
عيد ترتيبه..وهون !
كل صباح ..
عد حبات الندى
سابق اسراب الفراش
صافح احزان الشوارع
دور اللي فيك...ضايع
كل صباح
اعشق اكثر من حبيبه
اصدق وعاهد..وخون!
عيش احساسك..
وكوّن..
كل يوم عالم..
على انقاض العالم اللي البارحه
كان .. " الصحيح " !
لاتوقف يوم تجنيح القصايد
لا تريح وتستريح

كل يوم فيك شاعر ينولد
وتنولد في دهشة عيونك..عيون!
ليش تخون ؟!
ليش تنحاز ل..رصاصه..
ضد..طير ؟!
ليش تنحاز ل..ظلام..
ضد ..صباح الخير ؟!
ليش تنحازل" مستنقع عقل " ..
ضد.."شلال الجنون"؟!
و...ليش تنحاز للي:
هم ما ماتوا لموتك..
لا..ولا هم يحزنون؟!
ليش تخون؟!
القصايد..
حرية أنفاسك البيضا ونبضك
ليش صدرك..
يكبر أسوار وسجون ؟!
ليش تخون ؟!
ليش تكون ..
القاتل انت..والضحية
وتبني في صدرك..ضريح ؟!
خل تجي ..مثل ما هي بتجي
تجي نسمه..
تجي ريح ..
لاتوقف لحظة تجنيح القصايد
لاتريح..

المبدع /مسفر الدوسري

فعلا ابداااااااااااع