[منقاش]

عميد منتدى الحياه الفطريه , الشيخ سلام عسى ربي يسلمه : أشكرك على التنويه بفتوانا , الفتوى السارية المفعول أمس واليوم وباكر , مالم يصدر من سماحتنا ما ينقضها من فتاوينا المستقبليه الكريمه .
بخصوص شوكة القطفه , فلا يخفى عليكم أني كنت حاط عيني عليها , وحاط واحده من رجليه على طرفها , (فيها مداس أكرمكم الله) , وكنت ناوي أكتب عنها , لكن ما فيه فايده وثماله أغلبهم مشفحين وحسده , ولا فيه فايده وفتوى شيخكم ابو نقشه قد صدرت ولا زالت سارية المفعول , ولا يقدر يخرج عنها أحد كائنا من كان , ولا حتى الشيخ منقاش بجلالة قدره .
على كل حال , لا مانع لدينا من قبول ما كتبه الحسودي ابو عبدالرحمن , على أعتبار أنه أحرجنا ووضعنا أمام ألأمر الواقع , وعلى أعتبار أن الشيكان والغرفان كثيره , وليت ما نقصنا منها ألا القطفه الهابيه اللي خطفها المشرف العام , وليتنا نكتب عن الباقي من الشياكين والشجاري اللي يا كثرها , ويا كثر اللي باقي ما أحد كتب عنه ..
بدر الدجى وعرعرة المنتدى ما عنده شي يضيفه , غير أن النحل يقدع على زهرها ويثمر عسلها , والبل والماعز تسمن عليها , وتدر أذا رعتها , وأهل الحلال يطرونها في شباحتهم أذا أستطلعوا الديار اللي كثر مطرها, وسلامتكم .

حليفي الوفي الشيخ ابو سيفين : لله دري ودرك , وليتك بعد بديت بالمكارم أتممتها وصححت الغلطه ألأملائيه اللي جات بمستهل حديثك في العبارة ,(وجدت هذه المشاركه للدكتور قشّاش) حتى تصبح , (وجدت هذه المشاركه للدكتور منقاش) .
وهذا ما يقلل من قيمة مشاركتك القيمه , لأن العمليه كلها غلطه مطبعيه من الكاتب في حرف أو حرفين , وهذا أنا صححت الخطا نيابه عنك , وشكرا لك يا حليفي ..