أحيان تصدف لعبة الشاطر مـع غلطـة عمـر
مره .. لكن لا عدت الغلطة ما عـاد ينولهـا
وحنا عرفنا كلنا مـا طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلهـا الهقـاوي بالصبـر
يالله بحملتهـا تقـوم وتــدّرج بحمولـهـا
والحـب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه فـي غـدرا الغـدر
للـي تحـد سيوفهـا واللـي تعـن خيولهـا
ولا تفكـر فـي غنـاة ولا تفكـر فـي فـقـر
لوتشفع لبيضان الصدور احضوضها وفعولهـا